அம்மாடி சைக்கிள்! அசத்தல் வசதிகளுடன் கார்களைத் தயாரித்து விற்கும் ஆடி நிறு வனம், இப்போது சைக்கிள் ஒன்றைத் தயாரித்திருக்கிறது. ஆஸ்திரியா கண்காட்சியில் காட்சிக்கு வைக்கப்பட்ட இந்த சைக்கிள், பார்த்த உடனேயே ஆளை அசத்துகிறது. பார்க்க ஸ்போர்ட்ஸ் சைக்கிள்போல இருந்தாலும், இதன் வசதிகள்இந்தி யாவின் பல பைக்குகளில்கூடக் கிடையாது. சைக்கிள் என்று சொன்னாலும், இது ஒரு இ-பைக்! 'ஸ்போர்ட்ஸ் மெஷின்’ என்கிறார்கள் ஆடி ஆட்கள். அதாவது, இதில் ரிலாக்ஸ்டாக சைக்கிள் ஓட்டலாம், விறுவிறு ரேஸில் கலந்துகொள்ளலாம், அதிரடி ஸ்டன்ட்களில் ஈடுபடலாம். மிகக் குறைந்த புவியீர்ப்பு விசை மட்டுமே இருக்கும் வகையில் வடிவமைக்கப் பட்ட இந்த சைக்கிள், பேட்டரியின் சக்தி அல்லது மனித உழைப்பு... என இரண்டு வகையிலும் இயங்கும். மணிக்கு 80 கி.மீ. வேகம் வரை செல்லும் இந்த சைக்கிளின் இயக்கத்தை உங்கள் ஸ்மார்ட் போன் மூலம் தீர்மானிக்கலாம். சைக்கிளைப் பூட்டுவது, பூட்டைத் திறப்பது, இயக்கத்தின் இயல்பைத் தீர்மானிப்பது, இருக்கையின் உயரத்தை ஏற்றி,. . .