Advertisement
இன்று புதிதாய்த் திறந்தோம்! செவ்வாப்பேட்டையில் புதுமைப் புகுவிழா

''அன்னை வயலிலிருந்து/வரும்/அன்பு அழைப்பு இது...'' - திருவள்ளூர் மாவட்டம் செவ்வாப்பேட்டை பொன்.இராசசேகரன் அனுப்பிய கவிதையோடு கூடிய இந்தப் புதுமனை புகுவிழா அழைப்பிதழ் நம் மைக் கவர்ந்ததுபோல், வாய்ஸ்நாபில் அவர் தந்தத் தகவலும் கவர்ந்தன. 'இது பஞ்சாங்கம் பார்த்து, நாள் குறித்து, பன்னீர் தெளித்து, மாக்கோலம் போட்டு, பால் பொங்கவைத்து நடைபெறும் விழா அல்ல; இரு கைம்பெண்கள் இல்லத்தைத் திறக்க, எழுத்தாளர் பிரபஞ்சன் உரையாற்ற, வாழ்த்த வருபவர்களுக்கு மருத்துவக் குணம் உள்ள மரக் கன்றுகள் வழங்க, இனிதே நடைபெறும் விழா. பெருமைக்காகவோ, விளம்பரத்துக்காகவோ இதைச் செய்யவில்லை. படைப்பாளர்களுக்கும் மொழிக்கும் இப்படியும் புதுமையாகப் பெருமை சேர்க்கலாம் என நாலு பேருக்கு வழிகாட்டவே இந்த விழா’ எனத் தொடர்ந்தது இராசசேகரன் குரல்.

 

செவ்வாப்பேட்டையில் இறங்கியதுமே அரசியல்வாதிகளுக்கு வைக்கப்படுவது போல் ஆங்காங்கே வைக்கப்பட்டு இருந்த பிரபஞ்சனுக்கான பேனர்கள் நம்மை வரவேற்றன. நிகழ்ச்சியில் அழைப்பிதழ் தொடங்கி அனைத்திலும் பெண்களுக்கே முதல் மரியாதை. ''தஞ்சையை அடுத்து உள்ள பாபநாசம் என் சொந்த ஊர். அம்மா செல்லம்மாள், அப்பா பொன்னுசாமி இருவருமே விவசாயிகள். எனக்கு குடும்ப நலத் துறை பண்டகசாலையில் எழுத்தர் பணி. மனைவி புஷ்பஇலக்குமி, மகன் அருண்குமார், மகள் அர்ச்சனா. என் இத்தனை வருட அனுபவத்தில் பெண்கள் தான் எல்லாவற்றுக்கும் அடிப்படை என்பதை உணர்ந்தவன்; நம்புபவன். எட்டு மணி நேர வேலைக்கே அலுத்துக்கொள்ளும் ஆண்களுக்கு மத்தியில் எந்த வித சோர்வும் இல்லாமல் காலம் முழுவ தும் உழைக்கும் அவர்களை எவ்வளவு புகழ்ந்தாலும் கொண்டாடினாலும் தகும்.

என் அம்மா 15 வருடங்களுக்கு முன்பே இறந்துவிட்டார். பிறகு என் பெரியம்மா செகதாம்பாள் என் அம்மாவானார். அடுத்து மாமியார் முத்துஇலக்குமி. பதில் உதவி எதிர்பாராத இவர்களுடைய பாசம் மட்டுமே என் இல்லத்தை ஆள்கிறது. பெண்களின் இந்தப் பாசம் என் வீட்டுக்கு மட்டும் அல்ல; இந்த உலகுக்கும் பொருந்தும். அதனால்தான் கைம்பெண்களாக இருந்தாலும் பெரியம்மா, மாமியார் இருவரும் புது இல்லம் திறக்க உள்ளனர். மேலும் பெண்களின் பெருமையைத் தூக்கிப் பிடிக்கும் பிரபஞ்சனைப் பேச அழைத்தேன். என் மகன் அருண்குமார் எம்.டெக்., முடித்து ரயில்வேயில் பொறியாளராக இருக்கிறான். மகள் அர்ச்சனா, காலிகட் நேஷனல் இன்ஸ்டிட்யூட் ஆஃப் டெக்னாலஜியில் எம்.டெக்., படிக்கிறாள். இவர்களுக்குத் தமிழ் முறைப்படி திருமணம்செய்ய வேண்டும் என்பதே என் அதிகபட்ச ஆசை'' எனப் பெருமை பொங்கப் பேசினார் இராச

சேகரன். செகதாம்பாள் ரிப்பன் வெட்ட, பாரதிதாசன் படத்தை முத்துஇலக்குமி திறந்துவைக்க, புதுமனை புகுவிழா இனிதே முடிந்தது.

''நான் படித்த மராட்டியக் கதை அதிசுவாரஸ்யமானது. ஒரு பெண், நாயைத் திருமணம் செய்து கொண்டாள். 'நாய் போட்டதைத் தின்னுட்டு கிடக்கும்; கேள்வி கேட்காது. முதல் நாளில் தரும் அதே மரியாதையைக் கடைசிவரை தரும். டாஸ்மாக் போய் வந்து நடு இரவில் கதவைத் தட்டாது’ என அதற்கு மூன்று காரணங்களையும் அடுக்கினாள். இந்தக் கதை ஆண்களின் அத்துமீறலை அழுந்தச் சொல்கிறது'' என்று கதையுடன் தன் பேச்சைத் தொடங்கிய பிரபஞ்சன், ''எனக்கு மட்டும் நீளமான தலைமுடி இல்லையே என்று கவலைப்படுபவர்களாகவே பெண்களை விளம் பரங்கள் சித்திரிக்கின்றன. எதற்கு நீளமான தலைமுடி? பட்டுப் புடவை? சுடிதார் அணிவதுதானே எளிதாகவும் வசதியாகவும் இருக்கும்?'' என்றவர், போகிறபோக்கில் அரசையும் ஒரு பிடிபிடித்தார்.

''இன்று அரசு இலவசங்கள் தந்து மக்களைக் கெடுத்துவிட்டது. எப்போது இலவசம் தரும் என மக்கள் எதிர்பார்க்க ஆரம்பித்துவிட்டார்கள். இது, ஆரோக்கியமானது அல்ல; 63-வது குடியரசு தினத்தை அரசு கொண்டாடுகிறது. ஆனால், மக்கள் கொண்டாடும் அளவுக்கு அரசு இல்லை. 2020-ல் இந்தியா வல்லரசு ஆகிவிடும் என்கிறார் கலாம். வல்லரசைவிட நல்லரசாக இருந்தாலே போதும்'' என்ற பிரபஞ்சனின் பேச்சுக்கு அமோக வரவேற்பு. விழா முடிவில் வந்தவர்கள் அனைவருக்கும் மரக் கன்றுகள் வழங்கும்போது, இராசசேகரனின் முகத்தில் அத்தனை திருப்தி!

- க.நாகப்பன்
படங்கள்: ப.சரவணகுமார்

உங்கள் கருத்துக்களை இங்கே பகிருங்கள்

Your email will not be published. Required fields are marked *

(Press Ctrl+g or click
to toggle between English and Tamil)

இந்திய அரசின் புதிய IT கொள்கையின்படி, எந்தவொரு தனிநபர், சமூகம், மதம் மற்றும் நாடு போன்றவை தொடர்பான தலைப்பிற்கு எதிராக விரும்பத்தகாத கருத்தைத் தெரிவிப்பது தண்டனைக்குரிய குற்றமாகும். இதுபோன்ற கருத்திற்குச் சட்ட நடவடிக்கை (தண்டனை அல்லது அபராதம் அல்லது இவை இரண்டும்) எடுக்கப்படும். இந்தக் குழுவிற்கு அனுப்பப்படும் எந்தவொரு கருத்திற்கும் ஆசிரியர்தான் முழுபொறுப்பாளர் ஆவார்.

வாசகர்களின் கருத்துக்கள் விகடனின் கருத்துக்கள் அல்ல. இந்த பகுதியில் வெளியாகும் வாசகர்கள் கருத்துக்கள், அவர்களுடைய கருத்துக்களே; அதற்கு விகடன் நிர்வாகம் எந்த வகையிலும் பொறுப்பேற்க இயலாது.

வாசகர்களின் கருத்துக்கள் விகடனின் கருத்துக்கள் அல்ல.

கருத்துக்கள் நெறியாளுகைக்கு உட்பட்டவை.

தனி நபர்கள் மீதான தாக்குதல், கட்டுரை மற்றும் செய்திகளுக்கு பொருத்தமில்லாத கருத்துக்கள் இணையதளத்திலிருந்து நீக்கப்படும்.

வாசகர்களின் கருத்து சுதந்திரத்துக்கு வாய்ப்பளிக்கும் இந்த பகுதியை தவறாக பயன்படுத்துவோர் மற்றும் இணையதளத்தின் விதிகளுக்கு முரணாக செயல்படுவோர் இணையதளத்தை பயன்படுத்துவதை தடுக்கும் நடவடிக்கையும் மேற்கொள்ளப்படும்.

நல்ல முறையில் ஆரோக்யமான வகையில் கருத்து சுதந்திரத்தை பகிர்ந்துகொள்ள வேண்டுகிறோம்.

தவறான கருத்துக்களை கண்டால் துஷ்பிரயோகம் தெரிவி (REPORT ABUSE) என்ற பட்டனை அழுத்தவும்.

Comment(s): 1
Profile

Sankarm 3 Years ago

அற்புதம்.... அருமை... உங்களின் பணிசிறக்க வாழ்த்துக்கள்....

 
placeholder
placeholder
placeholder