சுப.கோகுலகிருஷ்ணன், சென்னை.  ''உங்களுடைய பெரும்பாலான ஹீரோயின்கள் அதற்கு முன் மணிரத்னம் படங்களில் நடித்திருக்கிறார்கள். 'ரோஜா’ - 'ஜென்டில்மேன்’, 'இருவர்’ - 'ஜீன்ஸ்’, 'உயிரே’ - 'இந்தியன்’, 'முதல்வன்’... இது என்ன சென்டிமென்ட்?''   '' 'காதலன்’ - நக்மா, 'பாய்ஸ்’ - ஜெனிலியா, 'அந்நியன்’ - சதா, 'சிவாஜி’ - ஸ்ரேயா, 'நண்பன்’ - இலியானா... இது என்ன சென்டிமென்ட்டோ... அதே சென்டிமென்ட்தான்!'' எ.தரணிபதி, கோவை. '' உலக அதிசயங்களில் நீங்கள் வியந்து ஆச்சர்யப்பட்ட உலக அதிசயம் எது? ஏன்?''  '' தாஜ்மஹால்! அது ஒரு பிரமாண்டமான காதல் கவிதை. படத்துல பார்த்த தாஜ்மஹாலைவிட நேர்ல மிக மிக மிகப் பிரமாண்டமாக இருந்தது. பக்கத்துல, தூரத்துல, மிக மிக தூரத்துல, பின் பக்கத்துல, சைடுல, காலையில, மத்தியானத்துல, சாயங்காலத்துல, ராத்திரிலனு... எந்த நேரத்துல, எங்கே இருந்து பார்த்தாலும் அது ஓர் அதிசய அழகுதான்.