சென்னையின் முக்கியமான ஸ்டார் ஹோட்டல்களில் ஒன்றான ஷெரட்டன் பார்க் ஹோட்டல்.... கேட்டரிங் அண்ட் ஹோட்டல் மேனேஜ்மென்ட் பட்டம் பெற்ற 'செஃப்'களாக நிறைந்திருக்க, அவர்களுக்கு மத்தியில் பரபரவென காபி கலந்து கொண்டிருக்கிறார் ரத்னம் மாமி. காண்பவர்களைஎல்லாம் சற்றே வித்தியாசமாக ஈர்க்கிறது இந்தக் காட்சி! ''நான் தயாரிக்கற காபியைக் குடிக்கறதுக்காகவே ஹோட்டலுக்கு நிறைய பேர் வர்றாங்கனு நிர்வாகத்துல பாராட்டிச் சொன்னாங்க. ரொம்ப சந்தோஷமா இருக்கு!'' என்று சொல்லும் ரத்னம் மாமி, பார்க் ஹோட்டலின் 'டிரெடிஷனல் டச் ஃபில்டர் காபி மேக்கர்'! ஆம், இதற்கென்றே பிரத்யேகமாக இவரை இந்தப் பணியில் அமர்த்தியுள்ளனர். ''திருவள்ளூர் மாவட்டம், திருநின்றவூர்தான் என் ஏரியா. ரொம்ப நல்லா சமைப்பேன். தேன்குழல், முறுக்கு, கொழுக்கட்டைனு பலகாரங்கள் செய்றதுலயும் அசத்துவேன். இதையே அடிப்படையா வெச்சு வேலை தேட ஆரம்பிச்சேன். எல்லாரும்தான். . .