வாசகிகள் பக்கம்  ஒவ்வொன்றுக்கும் பரிசு: 100 சமீபத்தில் என்னைச் சந்திக்க வந்திருந்தார் என் நெருங்கிய தோழியின் கணவர். அவர் என்னிடம் கொட்டிய கண்ணீரை இங்கே எழுத்துக்களாகத் தொகுக்கிறேன் தோழிகளே! ''மேடம்... உங்கள் தோழி, என் தங்கையுடன் போட்டி போட்டுக்கொண்டு குடும்பத்தின் நிம்மதியைக் கெடுத்துக் கொண்டிருக்கிறாள். என் தங்கை வாழ்க்கைப்பட்ட இடம், வசதியானது. அதனால் அவள் ஆடம்பரமாக இருக்கிறாள். அந்த அடிப்படை புரிதல்கூட இல்லாமல் எல்லாவற்றிலும் அவளுடன் சரிக்குச் சமமாக நிற்க வேண்டும் என்கிறாள் என் மனைவி. காஸ்ட்லி செருப்பு, காஸ்ட்லி சேலை, பியூட்டி பார்லர், ஹேர் கட் என்று என் தங்கையைப் பார்த்து வீம்பாக செலவழிக்கிறாள். என் தங்கை சமீபத்தில் ஒரு ஜோடி தங்க வளையல்கள் வாங்கினாள் என்பதற்காக, இவளும் வட்டிக்குக் கடன் வாங்கி தங்க செயின். . .