''நீண்ட ஆயுளுக்கு உத்தரவாதம். சருமத்தைப் பொலிவாக்கி, இளமையைக் காக்கும் மகிமை ஆலிவ் எண்ணெய்க்கு உண்டு. புற்றுநோயைத்  தடுக்கும் வல்லமைகொண்டது என்பதால், ஐரோப்பியர்கள் அன்றாட உணவில் அதிக அளவு ஆலிவ் எண்ணெயைச் சேர்த்துக்கொள்கிறார்கள். நம் ஊர் அளவுக்கு அவர்களுக்கு இதய நோய் பரவலாக இல்லாமல் இருப்பதற்கும் ஆலிவ் ஆயிலே காரணம்'' - ஆலிவ் எண்ணெயின் பெருமையை விரிவாகப் பேசுகிறார் இதய சிகிச்சை நிபுணரான டாக்டர் கீதா சுப்ரமணியன்.  ''பச்சை நிற ஆலிவ் காய்களில் இருந்து பச்சை நிற எண்ணெயும் சற்றுப் பழுத்தப் பழங்களில் இருந்து மஞ்சள் நிற எண்ணெயும் எடுக்கப்படுகிறது. ஆலிவ் எண்ணெயின் தனித்தன்மையே அதன் நறுமணமும், வித்தியாசமான சுவையும்தான். நல்ல கொழுப்பு அடங்கிய இந்த எண்ணெயானது நீண்ட நாட்கள் கெட்டுப்போகாது என்பது கூடுதல் சிறப்பு. 'ஒமேகா 3’ மற்றும். . .