ஓய்வுகாலத் தேவைக்கான சேமிப்பு என்றவுடன் நமக்கு நினைவுக்கு வருவது இன்ஷூரன்ஸ் கம்பெனிகள் நடத்தும் பென்ஷன் பிளான் மற்றும் பி.பி.எஃப். போன்ற சேமிப்புத் திட்டங்கள்தான். பென்ஷனுக்கான சேமிப்புத் தொகையைத் திரட்டுவதற்கு இத்திட்டங்களைவிட மியூச்சுவல் ஃபண்ட் ஈக்விட்டி திட்டங்கள் அதிக நன்மை தருபவை. பென்ஷன் பிளான், பி.பி.எஃப்.  சேமிப்பின் மூலம் கிடைக்கும் வட்டியைவிட அதிகமான வருமானம் கிடைப்பதற்கு வாய்ப்புள்ளது மியூச்சுவல் ஃபண்ட் முதலீடு.   இன்ஷூரன்ஸ் கம்பெனிகளின் பென்ஷன் திட்டங்கள் (யூலிப் பாலிசிகள் அல்ல!) அதிகபட்சம் 6-7% மட்டுமே வருமானம் கொடுக்கக் கூடியவை. பி.பி.எஃப். தரும் வருமானமும் ஏறக்குறைய இந்த அளவுதான்!     அட, நிச்சயமான வருமானம் இந்த அளவுக்கு கிடைத்தால் போதாதா? என்று நினைத்தீர்கள் என்றால் தவறு செய்கிறீர்கள் என்று அர்த்தம். இதிலிருந்து கிடைக்கும் வருமானம், அதாவது ரிட்டர்ன், ரியல் ரிட்டர்னா என்று கட்டாயம் பார்க்க வேண்டும். ரியல் ரிட்டர்னா? அதை எப்படி பார்ப்பது என்கிறீர்களா? சிம்பிள், பின்வரும் ஃபார்முலாவை புரிந்து கொள்ளுங்கள். ஃபார்முலா என்றவுடன் பயப்படாதீர்கள்,. . .