''கரூர் மாவட்டத்தில் அமைந்திருக்கும் ஆறுநாட்டார் மலை சமணர் குகை யைப் பற்றி என் விகடனில் எழுதுங்களேன்!'' - வாசகர் ஒருவர் வாய்ஸ் ஸ்நாப் மூலம் கோரிக்கைவைத்தார்... அதைத் தட்ட முடியுமா?          

கரூரில் இருந்து 18 கி.மீ. தொலைவில் அமைந்து உள்ளது வேலாயுதம்பாளையம். அங்குதான் ஆறுநாட்டார் மலை அமைந்து உள்ளது. இங்கு உள்ள பாலசுப்பிரமணியர்திருக் கோயில், ஆயிரம் ஆண்டுகள் பழமையானது என்கிறார்கள். இங்குதான் சமணர்கள் தியானம் செய்த குகைகள் அமைந்து உள்ளன.

பாலசுப்பிரமணியர் கோயிலின் அர்ச்சகர் சுவாமிநாதன், ''கி.பி. இரண்டாம் நூற்றாண்டு... சேர மன்னர்கள் சைவ சமயத்தைவிட்டு சமண சமயத்துக்கு மாறி, கொல்லாமை போன்ற கொள்கைகளைக் கடைபிடித்திருந்த காலம். அப்போது வட மாநிலங்களில் இருந்த சமணத் துறவிகளை, தமிழ்நாட்டுக்கு அழைத்து வந்தான் சேர மன்னன். அவர்களில் பெரும்பாலானோரை தற்போது முருகன் கோயில் அமைந்து உள்ள இடத்தின் பின்புறம் 100 அடி தொலைவில் உள்ள மலைக் குன்றுகளில் தங்கவைத்தான். அவர்கள் தூங்க அங்கு கல் படுக்கைகள், மலையைக் குடைந்து நீர்த் தேக்கத் தொட்டிகள் போன்றவற்றை உருவாக்கிக் கொடுத்து அவர் களுக்கு உணவிட்டு வந்தான்.

பின்பு அப்பர், சேர மன்னர்களுக்கு சைவ சமயத்தைப் போதித்தார். அதற்காக அவர் கல்லில் கட்டி கடலிலும் சுண்ணம்புக் கால்       வாயிலும் போடப்பட்டார்.  இந்தக் கொடுமை  களில் இருந்து மீண்டுவந்து, விடாமல் சைவ சமயத்தைப் போதித்து, சேரர்களை சைவத் துக்கு மீளச் செய்தார். இடைப்பட்ட இந்த 200 ஆண்டுகளும் இந்த மலைதான் சமணத் துறவிகளுக்குப் புகலிடமாக இருந்தது.

அதன்பிறகு கடையேழு வள்ளல்களில் ஒருவராகிய வல்வில் ஓரி இந்த மலையுடன் சேர்த்து அருகில் இருந்த ஐந்து மலைகளையும் ஆண்டுவந்தான். மொத்தம் ஆறு நாட்டை ஆண்ட அவனுடைய தலைநகர் இந்த மலை என்பதால், இந்த மலைக்கு ஆறுநாட்டார் மலை என்று பெயர் வந்தது.

மன அமைதி தேடி வருபவர்களுக்கு இம்மலை சிறந்த இடம். இங்கு வந்து தியானம் செய்தால் பல பிரச்னைகள் தீரும் என்பது கரூர் மக்களின் நம்பிக்கை. அமாவாசை, பவுர்ணமி நாட்களில் மாலை நேரங்களில் இங்கு தியானம் செய்ய வரு பவர்களின் எண்ணிக்கை ஏராளம். வெளி மாநிலங்கள் மற்றும் வெளி நாடுகளைச் சேர்ந்த வர்களும் இதில் அடக்கம். செம்மொழி மாநாட்டுக்காக எடுத்த 'செம்மொழியான தமிழ் மொழி யாம்...’ பாடலில் டி.எம்.எஸ். பாடி முடித்ததும் வரும் பழமையான கல்வெட்டு இங்கு உள்ளதுதான். அந்தக் கால பண்பாடு, மக்களின் வாழ்க்கை முறை என ஏராளமான விஷயங்களை இம்மலை முழுவதும் உள்ள கற்களில் பழங்கால மன்னர்கள், எழுத்துக்களாகப் பொறித்து வைத்து உள்ளனர்'' என்று விரிவாக  விளக்கினார்.

என்ன... சமணர் குகையைப் பார்க்க தயார் ஆகிட்டீங்களா?