''நாராயணா... இந்தக் கொசுத் தொல்லை தாங்க முடியலடா!'' - கவுண்டமணியின் கலாய்ப்பு வசனம் வேண்டுமானால் காமெடியாக இருக்கலாம். ஆனால், கொசு என்பது சாதாரண விஷயம் இல்லை. மலேரியா, சிக்குன் குன்யா, டெங்கு, ஜப்பானிய மூளைக் காய்ச்சல், மஞ்சள் காமாலை, யானைக் கால் வியாதி என்று ஆண்டுக்கு 21 கோடி மக்களுக்கு நோய்த் தொற்றைப் பரப்புகிற மோசமான ஜீவராசி கொசு. இதில், மிக முக்கியமானது மலேரியா. உலக சுகாதார நிறுவனத்தின் அறிக்கையின்படி, ஆண்டுதோறும் 6 முதல் 7 லட்சம் மக்களை மலேரியா நோய் பலிவாங்கியபடி இருக்கிறது. குறிப்பாகத் தமிழகத்தில், மலேரியாவின் தாக்கம் எல்லா ஊர்களிலும் பரவிக்கிடக்கிறது.  கொசுக்களால் ஏற்படும் பாதிப்புகள் என்னென்ன?  ராஜபாளையத்தைச் சேர்ந்த பொதுநல மருத்துவர் டாக்டர் கு.கணேசனிடம் பேசினோம்... ''கொசுக்களில் ஆண் கொசுக்கள் சைவம். அவை தாவரச். . .