சுட்டிப் பெண்ணைப் போலத் துறுதுறுவென இருக்கிறார் புவனா பாரதி. ஏ.வி.எம் நிறுவனரின் பேத்தி, ஏ.வி.எம். குமரனின் மகள் என்னும் அடையாளங்களைத் தாண்டி புவனாவின் வெற்றிக்குக் காரணம், அவருடைய உழைப்பு.  ஸ்டார் சிட்டி, ஸ்டார் வில்லா சர்வீஸ் அபார்ட்மென்ட்டுகள், புவனாவின் பெயர் சொல்லும். சமைக்கும் வசதியோடு, குறிப்பிட்ட கால வாடகைக்குத் தரும் சர்வீஸ் அபார்ட்மென்ட் முறையை சென்னைக்கு அறிமுகப்படுத்தியவர்களில் ஒருவர் புவனா.   40 வயதைக் கடந்தும் 50 கிலோ எடையில் அழகாய்த் தெரிகிற புவனா, தன் சுறுசுறு துறுதுறு ரகசியங்களைப் பகிர்கிறார்...  ''பள்ளியில் படிக்கும்போதே, ஓட்டப் பந்தயம், பூப்பந்து, கைப்பந்து என எல்லா விளையாட்டுக்களிலும் மும்முரமாக இருப்பேன். கூடவே, நீச்சலும்! அம்மா - அப்பா இருவருக்கும் தீவிரமான ஆன்மிக ஈடுபாடு. நிறைய சாமிக் கதைகள் சொல்வார்கள்.  'எட்டு வினாடிகளுக்கு ஒரு முறை. . .