ராகேஷ், மயிலாடுதுறை.   ''தினமும் இரு வேளையும் நன்றாக ஐந்து நிமிடங்கள் பிரஷ் செய்வேன். கடந்த மூன்று மாதங்களாக ஜெல் பேஸ்ட் பயன்படுத்தினேன். திடீரென, பல் ரொம்பக் கூச ஆரம்பித்துவிட்டது. இந்தப் பிரச்னைக்கு ஜெல் பேஸ்ட் காரணமா அல்லது பல்லில் ஏதேனும் கோளாறா?'' டாக்டர் ஜானகிராமன், பல் மருத்துவர். ''பல்லின் மேல் உள்ள எனாமல் தேய்ந்துபோனாலோ அல்லது பல் சொத்தையானாலோ ஏற்படும் ஒருவித ஷாக்தான், பல் கூச்சம். பல்லில்தான் கோளாறே தவிர, உபயோகிக்கும் பற்பசையில் இல்லை. பொதுவாகப் பல் கூசுவதற்கு இரண்டு காரணங்கள் இருக்கின்றன. 1.  பல் துலக்கும் முறை தவறானதாக இருக்கலாம். மேல் தாடைப் பற்கள் கீழ் நோக்கி வளர்வதால், மேல் பற்களைக் கீழ் நோக்கியும் கீழ்த் தாடைப் பற்கள் மேல் நோக்கி வளர்வதால் கீழ்ப் பற்களை மேல் நோக்கியும் பிரெஷ் செய்ய வேண்டும். இதில் ஏதாவது மாற்றம் ஏற்படுமாயின் பற்கள் தேய்மானத்திற்கு உள்ளாகும். இதனால் பற்களின் எனாமல் தேய வாய்ப்பு. . .