ஸ்பா என்ற வார்த்தையின் நதிமூலத்தை ஆராய்ந்தால்... 'ரோமானியர்கள் கை ஓங்கி இருந்த காலகட்டத்தில் பெல்ஜியம் நாட்டில் உருவெடுத்த கலை இது’ என்கிறது ஓர் அகராதி. 'தாது உப்புகளும் மூலிகைகளும் நிறைந்த நீரினால் ஆன ஆனந்தக் குளியல்’ என்கிறது இன்னோர் அகராதி. ஆனால், நம்மவர்கள் சொல்லும் அர்த்தங்கள் விரிவானவை. நீராவிக் குளியல், மலர்க் குளியலில் தொடங்கி மசாஜ், மீன்கடி வரை நீள்கின்றன!  ''எல்லாமே சிகிச்சைதான். நாம் கடந்துவந்துவிட்ட ஆயுர்வேத சிகிச்சை முறைகள்தான் மேலைநாடுகளுக்குச் சென்று அங்கிருந்து புதுப்புதுப் பெயர்களில் இங்கே வந்து இருக்கின்றன'' என்கிறார் 'லீ ராயல் மெரிடியன்’ ஹோட்டல் ஹெல்த் சென்டரில் 'ஸ்பா’ சிகிச்சை அளிக்கும் சந்தோஷ். ஸ்டீம் பாத் என்று சொல்லப்படும் நீராவிக் குளியல், அனல் குளியல் என்று சொல்லப்படும் சோனா பாத், ஜக்கூஸி என்று. . .