வெள்ளி முதலீடு என்றாலே நம்மவர்கள் இப்போது பயந்து ஓடுகிறார்கள். காரணம், கடந்த ஆண்டு அவர்கள் பட்ட நஷ்டம்தான். கடந்த ஆண்டில் 75,000 ரூபாய்க்கு விற்ற ஒரு கிலோ வெள்ளி ஒரு லட்சம் ரூபாய்க்கு போகும் என்கிற ஆசையில் எல்லோரும் வாங்க, அது திடீரென 50,000 ரூபாய்க்கும் கீழே வந்து பதற வைத்தது. ஆனால், அந்த விலையிலிருந்து 10% விலை ஏறியபின்பும் இப்போதுகூட வெள்ளி முதலீடு என்றாலே யோசிக்கத்தான் செய்கிறார்கள் மக்கள். உள்ளபடி பார்த்தால், இந்த தயக்கம் தேவை யில்லாத பயம்தான். காரணம், நீண்ட கால நோக்கில் தங்கத்தைவிட வெள்ளி அதிக லாபம் தந்திருப்பது பலருக்கும் தெரியாத உண்மை. கடந்த பத்தாண்டுகளில் தங்கம் 18.6% வருமானம் கொடுத்தபோது, வெள்ளி 21% லாபம் தந்திருக் கிறது.  இனிவரும் காலத்திலும் இந்த வருமானம் தொடர வாய்ப்பிருப்பதாகவே பலரும் சொல்கிறார்கள். அவர்கள் இப்படி சொல்ல என்ன காரணம்?   வெள்ளியின் பயன்பாடு! தங்கம் அதிகளவில் ஆபரணத் தேவைக்கும், 11% தொழிற்சாலைத். . .