Vikatan.com

www.vikatan.com would like to send you push notifications.

Notifications can be turned off anytime from browser settings.

மகாமகம் செல்வோர் கவனிக்க!

செய்ய வேண்டியவை!

 தங்களுடன் ஏதேனும் ஓர் அடையாள அட்டையை  கையோடு எடுத்துச் செல்வது அவசியம்.

 முதியோர்கள், பெண்கள், மாற்றுத் திறனாளிகள் மற்றும் சிறுவர்களுக்கு முன்னுரிமை கொடுக்கவும். 

 ஓரு செய்தியை உண்மையானதா அல்லது வதந்தியா என உறுதிப் படுத்திக் கொண்டு அதற்கேற்ப நிதானமாகச் செயல்படுவது நல்லது. 

 பாதுகாப்பான மற்றும்  நம்பத் தகுந்த இடங்களில் கிடைக்கும் உணவுப் பொருட்களையே ஏற்கவும்.

 காவல்துறை வழிகாட்டுதலை தவறாமல் பின்பற்ற வேண்டும். அத்துடன் காவல்துறை/ அரசு உதவி மையங்களின் அறிவிப்புகளை கவனமாகக் கேட்டு அதன்படி நடக்க வேண்டும்.

 காவல்துறை வகுத்துள்ள வழித் தடத்தில் மட்டுமே செல்ல வேண்டும்.

 இயன்றவரையிலும் குழுவாகச் செல்வதே மிகவும் நல்லது. 

 தனியாக விடப்பட்ட, அடையாளம் தெரியாத, கண்ணைக் கவரும் பொருட் களைக் கண்டால் அருகில் உள்ள காவல்துறை உதவி மையங்களுக்கு உடனடியாகத்  தெரியப்படுத்தவும்.

 தேவையான சுமையை மட்டும் கொண்டு செல்லவும்.

 காலணிகளை அதற்கென நியமிக்கப்பட்ட இடங்களில் விட்டுச்செல்லவும்.

 அனைத்து இடங்களிலும், பல மொழிகளில் அமைக்கப்பட்டிருக்கும் அறிவிப்பு - பலகைகளைப் படித்து அதன் விவரங்களைத் தெரிந்து கொண்டு அதன்படி செயல்படவும்.

 முதியோர்களும், நோயாளிகளும், தாங்கள் உட்கொள்ளும் மருந்து - மாத்திரைகள் - சிகிச்சை குறிப்புகளைக்  கண்டிப்பாக கையோடு எடுத்துச் செல்ல வேண்டும்.

 வாகனங்களை, அரசு அனுமதிக்கு உட்பட்ட வாகன நிறுத்துமிடங்களில் மட்டுமே நிறுத்த வேண்டும்.

 குப்பை அல்லது கழிவுப் பொருட்களை குப்பைத் தொட்டிகளில் மட்டுமே போடவும்.

 பிராசாதங்கள் / உணவு பொருட்கள் வாங்கும் இடங்களில் வரிசையாகச் சென்று பெற்றுக்கொள்ள வேண்டும்.

 முடிந்தவரை நகருக்கு வெளியே  தயாராகி வருவது நலம். தேவையான பணத்தை தன்னகத்தே  பாதுகாப்பாக வைத்துக்கொள்ள வேண்டும். சில நேரங்களில் ஏ.டி.எம். இயந்திரங்கள் போதுமான அளவுக்குப் பயன்படாமல் போகலாம்.

செய்யக் கூடாதவை!

 தங்களைப் பற்றிய தனிப்பட்ட குறிப்புகளை, விவரங்களை அறிமுகம் இல்லாதவர்களுடனோ அல்லது பொது இடத்திலோ பிறரிடம் பகிர வேண்டாம்.

 வரிசை முறை என்றால் வரிசையில் மட்டுமே செல்ல வேண்டும்.  அடுத்தவரை முந்திச் செல்ல முயற்சிக்காதீர்கள்.

 வதந்திகளை நம்பக்கூடாது  அதுபோல வதந்திகளை பரப்புவதும் குற்றமாகும்.  

 அறிமுகம் இல்லாதவர்களிட மிருந்து உணவுப் பொருட்களையோ அல்லது நொறுக்குத் தீனிகளையோ பெற்று உண்ண வேண்டாம்.

 தனிப்பட்டவர்களின் அறிவுரை மற்றும் வழிகாட்டுதலை பின்பற்ற வேண்டாம். அது ஆபத்தில் முடியலாம். 

 ஒருவழிப் பாதைகளில் எதிர் திசையில் செல்வதை தவிர்க்க வேண்டும்.

 தனியாகப் பயணிக்காமல் இருப்பது மிகவும் நல்லது. பெரியவர்கள், குழந்தைகள் மற்றும் மாற்றுத் திறனாளிகளுக்கு சங்கடம் விளைவிக்க வேண்டாம்.

 சந்தேகத்திற்குரிய பொருட்களை நீங்களாக அப்புறப்படுத்துவது அல்லது எடுத்துச் செல்வதை கண்டிப் பாகத் தவிர்க்க வேண்டும்.

 தங்களுடைய உடைமைகளை அறிமுகம் இல்லாதவரின் பாதுகாப்பில் விட்டுச் செல்ல வேண்டாம். 

 விரும்பிய இடத்தில் நீங்கள் விட்டுச் செல்லும் காலணிகள் அப்புறப்படுத்தப்பட வேண்டிய கழிவாகிவிடக்கூடும் என்பதை கவனத்தில் கொள்ளவும்.

 பொதுச் சொத்துக்கள் மக்கள் பயன் பாட்டுக்கு மட்டுமே; அவற்றை சேதப்படுத்த வேண்டாம். வழிகாட்டிப் பலகைகள் மீது அறிவிப்புகள் ஒட்ட வேண்டாம். 

 கடைகளில் மருந்துச் சீட்டு இல்லாமல் மருந்து வாங்கி சாப்பிடுவதை கண்டிப்பாகத் தவிர்க்க வேண்டும்

 போக்குவரத்துக்கோ, மக்கள் செல்லும் பாதைகளுக்கோ இடையூறாக வாகனங்களை நிறுத்தக் கூடாது.

 பிளாஸ்டிக் பொருட்கள், கழிவுப் பொருட்கள், பரிகாரப் பொருட்கள் அல்லது பழைய துணிகளை குளத்திலோ அல்லது மற்ற இடங்களிலோ கண்டிப்பாக தூக்கி எறியக் கூடாது. 

 தனிப்பட்ட முறையில் பிரசாதங்கள், உணவுப் பொருட்கள் விநியோகிப்பவர்கள் காவல்துறை உதவியுடன் செய்ய வேண்டும். கூட்ட நெரிசலை உண்டாக்கக் கூடாது.

 விலை உயர்ந்த பொருட்கள், தேவைக்கு அதிகமான பணம், அதிகமான நகைகளைக் கொண்டு செல்வதைத் தவிர்க்கவும்.