Vikatan.com

www.vikatan.com would like to send you push notifications.

Notifications can be turned off anytime from browser settings.

குழந்தைவேலப்பர் - ஒட்டன்சத்திரம்

 
கல்வி ஞானம் அருள்வாய்... சரணம்!
குழந்தைவேலப்பர் - ஒட்டன்சத்திரம்

ரீட்சையில் பாஸாகிவிட்டால், நல்ல மார்க் வாங்கினால்... இந்த மகிழ்ச்சியை பகிர்ந்துகொள்ள உறவினர்- நண்பர்களுக்கு சாக்லேட் அல்லது மிட்டாய் கொடுப்பது வழக்கம். ஆனால், ஒட்டன்சத்திரம்- குழந்தைவேலப்பர் கோயிலில்... தேர்வில் ஜெயிக்க, நிறைய மதிப்பெண்கள் வாங்க பிரார்த்தித்துக் கொண்டு, முருகனுக்கு மிட்டாய் அர்ப்பணிக்கிறார்கள் மாணவர்கள்!

திண்டுக்கல்- பழநி மார்க்கத்தில், சுமார் 38 கி.மீ. தொலைவில் உள்ளது ஒட்டன்சத்திரம். இங்கிருந்து (பழநி செல்லும் மார்க்கத்திலேயே) சுமார் 2 கி.மீ. தொலைவு பயணித்தால்... குழந்தைவேலப்பர் கோயிலை அடையலாம்.

அழகிய கோயில்! கருவறையில்... குழந்தை வடிவில் கையில் வேலுடன் திகழ்வதால், 'ஸ்ரீகுழந்தைவேலப்பர்' எனும் திருநாமத்துடன் அருளும் முருகனை தரிசித்துக் கொண்டே இருக்கலாம்; அவ்வளவு அழகு!

பழநி பாதயாத்திரை மேற்கொள்ளும் லட்சக்கணக்கான பக்தர்கள், குழந்தைவேலப்பரை தரிசித்து, மிட்டாய் வழங்கிவிட்டே பழநிக்குச் செல்வர். இந்த வேளையில், ஒட்டன்சத்திரத்தில் இருந்து குழந்தைவேலப்பர் ஆலயம் வரை, ஏகப்பட்ட மிட்டாய்க்கடைகள் தற்காலிகமாக முளைத்திருக்கும்!

குழந்தைவேலப்பர் அல்லவா? எனவேதான் திருமணம், பிள்ளைவரம் முதலான வேண்டுதல் களுடன் இங்கு வரும் பக்தர்கள், குழந்தை வேலப்பருக்கு மிட்டாய்களை நைவேத்தியமாகச் செலுத்துகின்றனர். முருகப்பெருமானுக்கு உகந்த செவ்வாய்க்கிழமை அன்று, குழந்தை வேலப்பருக்கு செந்நிற வஸ்திரம் அணிவித்து, செவ்வரளி மாலை அணிவித்து, நெய் தீபமேற்றி வைத்து, மிட்டாய் அல்லது சாக்லேட் சமர்ப்பித்து பிரார்த்தனை செய்தால், கல்வித் தடை நீங்கும்; தேர்வில் அதிக மதிப்பெண் பெறலாம்; உயர்கல்வியில் சாதனை படைக்கலாம் என்பது பக்தர்களது நம்பிக்கை.

இதேபோல் சோமவாரம் (திங்கட்கிழமை), சஷ்டி மற்றும் கார்த்திகை நாட்களில் விரதம் இருந்து, குழந்தைவேலப்பருக்கு அபிஷேகம் செய்து பிரார்த்தனை செய்தால், கல்வி- ஞானத்தில் மிக உன்னத இடத்தை அடையலாம் என்கின்றனர்!

- எம்.ஜி. பாஸ்கரராஜன்