Vikatan.com

www.vikatan.com would like to send you push notifications.

Notifications can be turned off anytime from browser settings.

ஆடி மாதம்... அம்மன் மாதம்..!

துரையில் இருந்து 35 கி.மீ. தொலைவில் அமைந்துள்ளது நத்தம். இங்குள்ள மாரியம்மன் கோயில் மாசித் திருவிழா பிரசித்திபெற்றது. இந்த விழாவுக்கு நாள் குறித்த உடன், நத்தம் பகுதியிலுள்ள கரந்தை மலையில் இருந்து குறிப்பிட்ட பிரிவினர் 'கழுமரம்’ எடுத்து வந்து கோயிலின் முன் நட்டுவிடுவர். கோயில் திருவிழாவில் கழுமரம் ஏறுவது மிக முக்கியமான ஒன்று. யாராவது ஒருவர் கழுமரத்தின் உச்சியைத் தொட்ட பிறகுதான் பக்தர்கள் பூக்குழி இறங்குவார்கள். இந்த நடைமுறை இங்கு காலம்காலமாகப் பின்பற்றப்பட்டு வருகிறது.

ரோடு பெரிய மாரியம்மன் கோயில், சக்தி வாய்ந்த கோயில்களில் ஒன்று. ஈரோடில்- பிரப் சாலையில் எழுந்தருளியுள்ள இந்த அம்மன் கோயிலுக்கு உப்பு, மிளகு வாங்கித் தந்து, ஏழைகளுக்கு அன்னதானம் செய்தால், வயிறு சம்பந்தமான நோய்கள் நீங்கும் என்பது நம்பிக்கை.

விருதுநகர் மாவட்டம் சாத்தூரில் இருந்து சுமார் 10 கி.மீ. தொலைவில் உள்ளது இருக்கன்குடி மாரியம்மன் கோயில். ஆடி மாதம் இங்கு நடைபெறும் திருவிழா மிகவும் விசேஷம்! கண் சம்பந்தமான நோய் உள்ளவர்கள் இந்தக் கோயிலுக்கு வந்து, வெள்ளியில் கண் மலர் வாங்கி உண்டியலில் போட்டு, ஏழைகளுக்கு அன்னதானம் செய்தால் நோய் நீங்கும் என்பது ஐதீகம்.

வேலூர் பேருந்து நிலையத்தில் இருந்து காட்பாடி செல்லும் வழியில், சுமார் 2 கி.மீ. தொலைவில் மெயின் சாலையிலேயே அமைந்துள்ளது ஸ்ரீசெல்லி அம்மன் ஆலயம். இந்த அம்மனுக்கு அர்ச்சனை செய்து ஏழைகளுக்கு அன்னதானம் செய்தால், குழந்தை பாக்கியம் தாமதமாகும் தம்பதியருக்கு அந்தப் பாக்கியம் விரைவிலேயே கிடைக்கும் என்கிறார்கள்.

டலூர் புது பஸ் நிலையத்துக்கு அருகிலுள்ள பாலத்தின் கீழ் அமைந்துள்ளது தரைகாத்த காளியம்மன் கோயில். ஒருமுறை இங்கு வெள்ளம் பெருக்கெடுத்து வந்தபோது, வெள்ளத்தைத் தடுத்து மக்களை காத்த தெய்வம் என்று இந்த அம்மனைப் போற்றுவர். எனவே, 'கரை காத்த காளி அம்மன்’ என்றும் இந்த அம்மனை அழைக்கின்றனர். நியாயமான வழக்குகளில் வெற்றி கிடைக்க, இந்த அம்மனுக்கு விசேஷ பூஜைகள் செய்து புடவை சார்த்தி வழிபடுகின்றனர், பக்தர்கள்!

- எஸ்.விஜயலஷ்மி, சென்னை-88