Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

டிப்ஸ்... டிப்ஸ்...

ஒவ்வொன்றுக்கும் பரிசு: ` 100

ப்ரிட்ஜை சோப்புநீர் போட்டு சுத்தப்படுத்தக் கூடாது. ஒரு கப் வெதுவெதுப்பான நீரில் கால் ஸ்பூன் சமையல் சோடாவை சேர்த்து, ஒரு மூடி எலுமிச்சைச் சாறு சேர்க்கவும். இதை சிறிய துணியால் தொட்டு ஃப்ரிட்ஜை துடைக்கவும். பிறகு நல்ல, துணியால் ஈரம் போக துடைத்தால்.. ஃப்ரிட்ஜ் `பளிச்’சென்று இருக்கும்.

- பரிமளா ராமானுஜம், திருச்சி

கோடைகாலத்தில் எறும்புகள் வருவது அதிகம். உணவுப் பண்டங்களை சமையல் மேடையில் வைக்கும்போது, அவற்றைச் சுற்றி இடை வெளி இல்லாமல், மஞ்சள் பொடியைத் தூவி வைத்தால், எறும்புகளிலிருந்து காத்துக் கொள்ளலாம்.

- விமலா சங்கரன், காஞ்சிபுரம்

வெயில் காலத்தில் மோர் விரைவில் புளித்துவிடும். அப்படிப் புளிக்காமல் இருக்க, வாழை இலையைச் சிறுசிறு துண்டுகளாக்கி மோரில் போட்டு வைத்து, மோரை உபயோகிக்கும்போது எடுத்துவிட வேண்டும்.

- ஆர்.ஜெயலெட்சுமி, திருநெல்வேலி

கேரட் அல்வா செய்யும்போது, சிறிதளவு பால் கோவாவையும் சேர்த்துக் கிளறி, கடைசியில் பாதாம் எசென்ஸ் மிகவும் சிறிதளவு விட்டு இறக்கினால்... சுவையும், மணமும் அள்ளும்!

- விஜயா சீனிவாசன், திருச்சி

குலோப் ஜாமூன் பாகில் ஒரு ஸ்பூன் தேன் விட்டு இறக்கினால், பாகு உறையாமலும் நீண்ட நேரம் கெடாமலும் இருப்பதுடன், சுவையும் கூடுதலாகும்.

- கே.பிரபாவதி, மேலகிருஷ்ணன்புதூர்

பூரிக்கு மாவு தயாரிக்கும்போது... ஒரு கப் மாவுக்கு, ஒரு ஸ்பூன் வீதம் ரவை கலந்தால், பூரி உப்பலாக வரும். 

- வள்ளி சேகர், அத்திப்பட்டு

ஜ்ஜி, வடை, வடகம், பட்சணம் செய்யும் எண்ணெயில் ஒரு சிறிய துண்டு இஞ்சியைத் தட்டிப் போடுங்கள். இது வயிற்றுக்கு நல்லது. பொரித்த பண்டங்களும் மணமாக இருக்கும்.

- விஜயலட்சுமி, பெங்களூரு

விகடன் இதழ்கள் மற்றும் இ-புத்தகங்களை உங்கள் மொபைலில் படிக்க புதிய Vikatan APP
அனுபவங்கள் பேசுகின்றன!
வீட்டு பராமரிப்பு டிப்ஸ்
Advertisement
Advertisement

அதிகம் படித்தவை

Advertisement

எடிட்டர் சாய்ஸ்

Advertisement
[X] Close