Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

இரண்டு வாரத்தில் ரூ.278 கோடி வசூல்: அமீர் கானின் பிகே புதிய சாதனை!

அமீர் கான் நடிப்பில், ராஜ்குமார் ஹிரானி இயக்கத்தில் வெளியாகி உள்ள 'பிகே' படம் இரண்டு வாரத்தில் ரூ. 278 கோடி வசூலித்து பாலிவுட் பாக்ஸ் ஆபிஸில் புதிய சாதனையை படைத்துள்ளது.

கடந்த டிசம்பர் 19 ஆம் தேதியன்று நாடு முழுவதும் ரிலீஸான 'பிகே' படம், உலகெங்கும் 4000 அரங்குகளில் வெளியானது. வெளியான முதல் நாளில் ரூ 26.63 கோடியை வசூலித்த ’பிகே’, இரண்டாம் நாளில் ரூ 30.34 கோடியை ஈட்டியது. அடுத்த நாளில் ரூ 38.44 கோடியைக் குவித்து சாதனைப் படைத்தது.

முதல் ஞாயிற்றுக்கிழமையில் அதிக வசூல் ஈட்டிய படம் என்ற பெருமையைப் பெற்ற நிலையில், ஒரு வாரத்திலேயே ரூ. 150 கோடி வசூலை அள்ளியது 'பிகே'.

இந்நிலையில் 'பிகே' படத்தில் மத உணர்வுகள் புண்படுத்தப்பட்டிருப்பதாக கூறி டெல்லி உள்ளிட்ட வட மாநிலங்களில் பல்வேறு இந்து அமைப்புகள் போராட்டத்தில் ஈடுபட்டும், ’பிகே’ படம் திரையிடப்பட்ட சில திரையரங்குகள் மீது தாக்குதலும் நடத்தினர்.

இது படத்திற்கு கூடுதல் விளம்பரமாகிவிட, ’பிகே’ படம் ஓடும் திரையரங்குகளில் ரசிகர்கள் கூட்டம் மேலும் கும்மியது. இதன் காரணமாக படம் ரிலீஸாகி முதல் இரண்டு வாரத்தில் ரூ. 278.52 கோடியை வசூலித்து பாலிவுட் பாக்ஸ் ஆபிஸில் புதிய சாதனை படைத்துள்ளது.

மேலும் இதுவரை இருந்து வந்த 'தூம் 3' படத்தின் சாதனையை முறியடித்துள்ளது. 'தூம் 3' முதல் 2 வாரத்தில் வசூல் செய்த ரூ.271.82 கோடிதான் பாலிவுட் பாக்ஸ் ஆபிஸில் இதுவரை சாதனையாக கருதப்பட்டது. அதனைத் தொடர்ந்து சல்மான் கானின் 'கிக்' ரூ. 244 கோடி), ஷாரூக் கானின் சென்னை எக்ஸ்பிரஸ் ரூ.288 கோடி வசூலித்திருந்தது.

ஏற்கனவே இதே அமீர்கான் - ஹிரானி கூட்டணி இணைந்து பணியாற்றிய 3 இடியட்ஸ் படம், முதல் இரண்டு வாரத்தில் ரூ. 202 கோடி வசூலித்திருந்தது குறிப்பிடத்தக்கது. இந்நிலையில் ட்விட்டர் பக்கத்தில் PK Highest Grosser Ever என்ற இந்த வார்த்தை டிரெண்டாகியுள்ளது குறிப்பிடத்தக்கது. 

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close