Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

பிகே தமிழ் ரீமேக்கில் கமல்?

அமீர் கான் நடிப்பில் வெளிவந்து பெரும் வெற்றி பெற்ற படம் ’பிகே’. இந்தியில் மட்டுமில்லாமல் தமிழ், தெலுங்கு, கன்னடம் என்று எல்லா பகுதிகளிலும் பாக்ஸ் ஆஃபீஸ் ஹிட் அடித்தது. இந்தப் படத்தினை தமிழில் ரீமேக் செய்து கமல் ஹாசனை நடிக்க வைக்க ஏற்பாடுகள் நடைபெற்று வருகின்றன.

ராஜ்குமார் ஹிரானி இயக்கத்தில் வெளிவந்த ’முன்னாபாய் M.B.B.S’. மற்றும்  ‘3 இடியட்’ போன்ற படங்களை முறையே ‘வசூல் ராஜா M.B.B.S’ மற்றும் ‘நண்பன்’ என்று தமிழில் ரீமேக் செய்து ஹிட் அடித்தது குறிப்பிடத்தக்கது.  இதைத் தொடர்ந்து ஜெமினி ஃபிலிம் நிறுவனமே பிகே படத்தினையும் ரீமேக் செய்வதற்கான பேச்சுவார்த்தையில் இருக்கின்றனர்.

கமல்ஹாசன் தான் அமீர்கான் நடித்த வேடத்திற்கு சரியான பொருத்தம் என்று ஜெமினி ஃபிலிம் நிறுவனம் அவரை படத்திற்கு கேட்டு வருகிறது. கமல்ஹாசன் இன்னும் உறுதியாக நடிப்பதாக தெரிவிக்கவில்லை. படத்தின் மற்ற வேடத்திற்கான தேர்வுகள் நடைபெற்றுவருகின்றனர்.

அமீர் கான் நடிப்பில் வெளிவந்த ‘பிகே’, இந்தியாவிலேயே வசூல் மற்றும் விமர்சனம் என  வெற்றி பெற்றது குறிப்பிடத்தக்கது. இப்படம் மூடநம்பிக்கைகளை கிண்டலடித்து சிந்திக்கவும் செய்துள்ளது. இதற்கு எதிர்ப்புகளும் வலுத்தது குறிப்பிடத்தக்கது.

கமல்ஹாசன் தற்பொழுது ‘உத்தமவில்லன்’ மற்றும் ‘பாபநாசம்’ படங்களில் வெளியீட்டில் பரபரப்பாக இயங்கி வருகிறார். ’பிகே’ படத்தில் இவர் நடிக்கிறாரா என்பது குறித்த செய்தி விரைவில் வெளிவரும். 

MUST READ

எடிட்டர் சாய்ஸ்

அப்போலோ டூ எம்.ஜி.ஆர் சமாதி... ஜெயலலிதாவுக்கு அரண் அமைத்த மன்னார்குடி!
[X] Close