Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

அம்மாடியோவ்.....இந்த வருஷம் ஷாருக்கும், சல்மானும் சம்பாதிச்சது இவ்வளவா?

2015ம் வருடம் முடிவை நெருங்கி விட்டது. 2016 துவங்க உள்ள நிலையில் பல சர்வேக்கள் படையெடுக்கத் துவங்கிவிடும். இதில் முதல் கட்டமாக யார் அதிகம் இந்த வருடம் சம்பாதித்தவர்கள் என்ற விபரம் வெளியாகியுள்ளது.ஃபோர்ப்ஸ் வெளியிட்டுள்ள பட்டியலில்  சினிமா பிரபலங்களும், கிரிக்கெட் விளையாட்டு வீரர்களுமே அதிகமாக  இடம்பிடித்துள்ளனர்.

கடந்த சில வருடங்களாக முதலிடத்தில் இருந்த சல்மான் கான் இந்த முறை இரண்டாம் இடத்திற்குத் தள்ளப்பட்டுள்ளார். முதலிடத்தில் பாலிவுட்டின் கிங் கான் நடிகர் ஷாருக்கான் 257 கோடிகளுடன் இருக்கிறார். சல்மான் கான் 202 கோடியுடன் இரண்டாம் இடத்திலும், அமிதாப் பச்சன் மூன்றாம் இடத்திலும் இருக்கின்றனர்.

இவர்களைத் தொடர்ந்து தோனி , அமீர்கான், அக்‌ஷய் குமார், விராட் கோலி, சச்சின், தீபிகா படுகோன், ஹ்ருத்திக் ரோஷன் முறையே முதல் பத்து இடங்களைப் பிடித்துள்ளனர். இவர்கள் தவிர்த்து இந்த 100 பேர் கொண்ட பட்டியலில் 19 புது வரவுகளும் அடக்கம். அதில் முக்கியமாக ராஜமௌலி, பிரபாஸ் இருவரும் முதல்முறையாக இடம்பிடித்துள்ளனர். காரணம் சொல்லவா வேண்டும் பாகுபலியே எனலாம். இது தவிர்த்து சஞ்சய் லீலா பன்சாலி, ஏ.ஆர்.முருகதாஸ் உள்ளிட்டோர் தங்களது இடங்களை தவறவிட்டுள்ளனர்.

இந்தப் பட்டியலில் அரசியல் பிரமுகர்கள் தென்படவேயில்லையே என நீங்கள் நினைக்கிறீர்களா?... அவர்களின் வருமானங்கள் என்னைக்கு பாஸ் கணக்கில் காட்டப்பட்டன. 

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close