Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

நடிகையின் புகைப்படம்...கொந்தளிக்கும் சமூகவலைதளங்கள்!

அமெரிக்க மாடல் மற்றும் பாலிவுட் நடிகையுமான நர்கிஸ் ஃபக்ரி நடித்த ஒரு விளம்பர படம், பாகிஸ்தானின் முன்னணி செய்தித் தாளான ஜாங் பத்திரிகையில் முதல் பக்கத்தில் வந்துள்ளது. இதற்கு அந்நாட்டின் பத்திரிகையாளர்கள் தரப்பிலிருந்து கடும் எதிர்ப்பு கிளம்பியுள்ளது . நர்கிஸ் இப்புகைப்படத்தில் சிகப்பு நிற ஆடை அணிந்து படுத்தபடி கையில் ஒரு மொபைல் ஃபோனுடன் காட்சியளிக்கிறார்.

ஒரு செய்தித்தாளின் முதல் பக்கத்தில் இது போன்ற விளம்பரப் படம் வந்திருப்பது இழிவானது மேலும் அபத்தமானது என அங்கு உள்ள பத்திரிகையாளர்கள் தங்களது எதிர்ப்பினை ட்விட்டர் போன்ற சமூகவலைதளங்களில் தெரிவித்து வருகின்றனர். இதில் பாகிஸ்தானை சேர்ந்த பத்திரிகையாளர் அன்சர் அப்பாசி என்பவர் முதலில் தனது எதிர்ப்பினை தெரிவித்ததை அடுத்து மேலும் எதிர்ப்புகள் தொடர்ந்த வண்ணம் உள்ளது. 

அன்சர் அப்பாசி தனது ட்விட்டர் பக்கத்தில் ஜங் பத்திரியில் வந்துள்ள விளம்பரத்திற்கு எனது கடும் எதிர்ப்பினை தெரிவிக்கிறேன் என்று ட்விட் செய்துள்ளார். இதனை அடுத்து இன்று நர்கிஸின் புகைப்படம் நாளை சன்னி லியோனின் புகைப்படத்தைக் கூட வெளியிடுவார்கள் போல. ஜங் பத்திரகை இதற்காக வெட்கப் படவேண்டும்.

இது போன்ற புகைப்படங்கள் ப்ளேபாய் அல்லது பிற இதழ்களின் வந்தால் நன்றாக இருக்கும், அதை விடுத்து ஒரு செய்தித்தாளில் வருவது நல்லது அல்ல என்று பலர் தங்களது கருத்துக்களை தெரிவித்துள்ளனர். பெண்களையும் விளம்பர பொருட்களையும் சம்மந்தமே இல்லாமல் சம்மந்தப்படுத்தி, அதற்கு முன்னணி நடிகைகள் நடித்து, விளம்பரங்கள் வருவது புதிதல்ல என்றாலும் செய்தித்தாளின் முதல் பக்கத்தில் அவ்விளம்பரம் வந்திருப்பதே இந்த எதிர்ப்புகளுக்கு காரணம் என கண்டங்கள் வலுத்து வருகின்றன. 

- பிரியாவாசு -

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close