Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

திரையுலகினரை அழைக்காமல் திருமணம் செய்த பாலிவுட் நடிகை

பிரபல பாலிவுட் நடிகை ஊர்மிளா , காஷ்மீரை சேர்ந்த மாடல் மற்றும் நடிகருமான மொஹ்சின் அக்தர் மிர் என்பவருடன் நேற்று திருமணம் நடைபெற்றது. 90களில் தனது நடிப்பு மற்றும் நடனத்தின் மூலம் புதிய டிரென்டையே உருவாக்கிய ஊர்மிளாவின் திருமணம் தான் தற்போது பாலிவுட்டின் சுடச் சுடத் தருணம்.

குழந்தை நட்சத்திரமாக தனது சினிமா பயணத்தைத் துவங்கிய ஊர்மிளாவின் நடிப்பில் வெளியான ரங்கீலா, கவுன், ஸாத்யா, ஜங்கிள் மற்றும் பூத் போன்ற படங்கள் குறிப்பிடத்தக்கவை. தமிழில் ஷங்கர் இயக்கத்தில் வெளியான இந்தியன் படத்தில் கமலுடன் நடித்திருந்தார் ஊர்மிளா. 42 வயதான ஊர்மிளாவின் திருமணத்தில் பாலிவுட்டைச் சேர்ந்த பிரபலங்கள் யாரும் அழைக்கப்படவில்லை.

பாலிவுட்டின் முன்னணி ஆடை வடிவமைப்பாளரான மனிஷ் மல்ஹோத்ரா மட்டும் கலந்துகொண்டுள்ளார். இதைப் பற்றி ஊர்மிளா கூறுகையில் " எங்கள் இரு குடும்பத்தினரும் திருமணத்தை எளிமையாக நெருங்கிய நண்பர்கள் மற்றும் குடும்ப உறுபினர்களைக் கொண்டு நடத்தவே விரும்பினார்கள், அதன்படியே திருமணமும் நடைபெற்றது" எனக் கூறியுள்ளார்.  ஊர்மிளாவின் சினிமா கேரியரில் முக்கியப் படமான ரங்கீலா படத்தை இயக்கிய ராம் கோபால் வர்மா தனது டிவிட்டர் பக்கத்தில் வாழ்த்துகளைத் தெரிவித்துள்ளார்.

MUST READ

எடிட்டர் சாய்ஸ்

அப்போலோ டூ எம்.ஜி.ஆர் சமாதி... ஜெயலலிதாவுக்கு அரண் அமைத்த மன்னார்குடி!
[X] Close