Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

இதுவரை இல்லாத புதியவகை பேய்ப்படம்! இன்சிடியஸ் திரை அலசல்!

பேய் இருக்கா இல்லையா? பேய் வருவதற்கு ஏதும் அறிகுறி இருக்கான்னு கேள்வி கேட்டா பதில் யாரிடமும் இருக்காது. ஆனாலும் பேய் என்றால் நமக்கு பயம் வரத்தான் செய்யும்.

ரசிகர்களை பயத்தின் உச்சிக்கே கொண்டு செல்லும் ஹாலிவுட்டின் அடுத்தபேய்ப் படம் ரிலீஸாகிவிட்டது. இன்சிடியஸ்  படத்தின் மூன்றாம் பாகம் சமீபத்தில் வெளியாகி உலக பேய் விரும்பிகளை பயத்தில் உருட்டி வருகிறது.

மந்திரவாதியோ, பாதிரியாரோ பேய் விரட்டித்தானே பார்த்திருக்கிறீர்கள். ஆனா இன்சிடியஸ்  மூன்றாம் பாகத்தில் பேய் பிடித்திருக்கும் பெண்ணே பேயை விரட்டுகிறார்.  அதனால் காமெடி பேய் என்றெல்லாம் எண்ணிவிடவேண்டாம். சீரியஸான பேய் தான். சரி, படத்தோட கதை தான் என்ன? 

தன் தந்தையுடன் வாழ்ந்து வருகிறார் க்யூன் ப்ரன்னர். அவளுடைய தாயார் நீண்ட நாட்களுக்கு முன் புற்றுநோயால் இறந்துவிடுகிறார். தன் தாயின் பிரிவில் மனது உடைந்து  கிடக்கும் கதாநாயகி எப்படியாவது தன் தாயிடம் பேசிவிட வேண்டும் என்று முடிவெடுக்கிறார். அந்த ஊரில் ஆவிகளிடம் பேசும் ஒரு வயதான லேடியிடம் உதவியை நாடுகிறார். ஆனால் அந்த முயற்சி தோல்வியில் முடிகிறது.

ஆனாலும் க்யூனுக்கு யாரோ தன்னிடம் பேசவருவதாகவும், தன்னைப் பார்ப்பதாகவும் உணர்கிறாள். ஒருவேளை தன் தாயாக இருக்கலாம் என்று நினைக்கிறாள். தொடர்ந்து  இவளுக்கு கார் விபத்து ஏற்படுகிறது, அடுத்தடுத்து அசம்பாவிதங்களை சந்திக்கிறாள் நாயகி.

ஒரு கட்டத்தில் அந்த ஆவி இவளைப் போட்டு புரட்டி எடுக்கிறது. வேறு வழியில்லாமல் பேயைப் பிடித்து பெட்டியில் அடைக்கும்  பேய் பிடிக்கும் நிபுணர்கள் இருவரைக் கூட்டிவந்து பேயை ஓட்ட நினைக்கிறார்கள். ஆனால் அந்த பேய் இவர்களையும் அடித்துத் துவைத்துவிடுகிறது.

பேயாக வந்து பயமுறுத்துவது அவளுடைய அம்மா இல்லை, வேறு யாரோ என்பது தெரிகிறது. இறுதியில் ஆவிகளிடம் பேசும் உள்ளூர் மந்திரவாதியான  வயதான முதியவரின் உதவியுடன் அந்தப் பேயை விரட்டினார்களா இல்லையா என்பதே மீதிக் கதை.

க்ளைமேக்ஸில் பேயின் வசமிருக்கும் நாயகியான க்யூன் பேயிடமே சண்டைபோட்டு பேயை விரட்டிவிடுவது பேய் சப்ஜெட்டுகளில் புதுவித டெக்னிக். வாயில் மாஸ்க் வைத்துக்கொண்டு பார்ப்பதற்கே அகோரமான ஒரு உருவம், ஒரே வீட்டுக்குள்ளேயே பயத்தை ஏற்படுத்தும் மேக்கிங், பக்காவான ஒளிப்பதிவு. படத்திற்கு ப்ளஸ். ஆனாலும் இன்னும் கொஞ்சம் பயம் காட்டியிருக்கலாம். முந்தைய பாகங்களை ஒப்பிடும் போது படத்தின் மதிப்பு கொஞ்சம் குறைவுதான். 

:) பி.எஸ்.முத்து

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close