Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

ஆஸ்கர்விருதுக்குப் பிறகு அந்நியன் விக்ரம் கேரக்டரில் நடிக்கும் லியனார்டோ

ரெவனன்ட் படம் மூலம் ஆஸ்கர் வென்ற லியனார்டோ டி காப்ரியோ அடுத்த படத்துக்குத் தீவிரமாகத் தயாராகிவருகிறார். இந்த முறை நடிக்கவிருக்கும் படம் கண்டிப்பாக லியோவிற்கு சவாலானது தான். காரணம் அவர் தேர்ந்தெடுத்திருக்கும் கதை அப்படிப்பட்டது.

அமெரிக்காவைச் சேர்ந்த வில்லியம் ஸ்டான்லி மில்லிகன் என்ற பில்லி மில்லிகன் என்பவரின் கதையில் தான் நடிக்கிறார் லியோ. பில்லி மல்டிபிள் டிஸார்டர் பாதிப்புள்ளவர். கிட்டத்தட்ட அந்நியன் பட விக்ரம் போன்று, ஆனால் இவர் அதுக்கும் மேல. 24 கேரக்டர்கள் இவரின் உடலுக்குள் இருக்கிறதாம்.

கொள்ளை, கற்பழிப்பு என ஏகப்பட்ட வழக்குகள் பில்லி மேல் இருக்கிறது. ஆனால், அவருக்குள் இருக்கும் வேறு பெர்சனாலிட்டி செய்ததற்கு பில்லிக்கு தண்டனை கொடுக்க முடியாது என தானே வாதாடியிருக்கிறார். பிறகு பல ஆண்டுகள் மனநல மருத்துவமனையிலேயே கழித்த பில்லியின் வாழ்க்கையைப் பற்றி டேனியல் கீஸ் எழுதிய நாவல் 'தி மைன்ட்ஸ் ஆஃப் பில்லி மில்லிகன்'

இந்த நாவல் தான் இப்போது லியோனார்டோ நடிப்பில் திரைப்படமாக உருவாக இருக்கிறது. 20 வருடங்களாக இந்தக் கதையில் நடிக்க தீவிர ஆர்வம் காட்டி வந்தார் லியோ. அல்லெக்ஸான்ட்ரா மில்லிகன் மற்றும் ஜெனிஃபர் டேவிசனுடன் இணைந்து இப்படத்தை தயாரிக்கிறார் லியோ. ஆனால் இப்படத்தை இயக்கப் போவது யார் என்பது மட்டும் இன்னும் முடிவாகவில்லையாம்.

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close