Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

தில்லுமுல்லு

மீசைக்குப் பதில் பூனைக் கண், காந்திக்குப் பதில் முருகன், பாட்டு கிளாஸுக்குப் பதில் கராத்தே... பழைய தஞ்சாவூர் தாம்பாளத்தில் புதிய பீட்ஸா. செம 'தில்லுமுல்லு’ ரீமேக் செய்திருக்கிறார் இயக்குநர் பத்ரி.

சிவா எந்த இடத்திலும் ரஜினியை இமிடேட் செய்யாதது பெரிய ஆறுதல். 'பசுபதி’ என்ற தன் பெயருக்கு சிவா பெயர்க் காரணம் சொல்லும் இடத்திலேயே அவரது காமெடி கவுன்ட் டவுன் ஆரம்பம். மேஜை டிராயரை இழுப்பது, பெட்ஷீட்டைப் போர்த்துவது என சின்னச் சின்ன வேலைகள் மூலம் இஷாவுக்குக் கராத்தே சொல்லித்தருவதும், கராத்தே மாஸ்டர் கங்குலி சைனீஸ் மொழியில் ராஜினாமா கடிதம் கொடுப்பதும், சைனீஸ் பாடல்களை ரிங்டோனாக வைத்திருப்பதுமாக... கலகலக்கவைக்கிறார் சிவா.

'ஹெலிகாப்டர் ஷாட் எப்படி இருந்துச்சு?’ என்று கொதிப்பதும், கோவை சரளாவைப் பார்த்ததும் விருது கிடைத்த சந்தோஷத்தில் நெகிழ்வதும், 'வளர்ந்த பின்னாடி கேக்ல முட்டை போடுவாங்கன்னு தெரியும். குழந்தையா இருக்கும்போதே எப்படித் தெரிஞ்சுக் கிட்டே?’ என்று வெவ்வேறு சிச்சுவேஷன்களில் வியந்து கேட்பதுமாகப் பின்னுகிறார் பிரகாஷ்ராஜ்.

இஷா... அழகு. மற்றபடி... நெக்ஸ்ட்!

ஒரிஜினலில் ரஜினியை மிரட்டிப் பணம் பறிக்கும் சிறுவன் கேரக்டருக்குப் பதிலாக, சிவாவின் தங்கை யைக் காதலிக்கும் சூரி பாத்திரம். கவாஸ்கர் முதல் சசிகுமார் வரை நண்பனின் தங்கையைக் காதலிக்கும் காதலன் கதைகளாக சூரி நீட்டி முழக்குவது... செம லந்து!

க்ளைமாக்ஸில் சந்தானம் வரும் 15 நிமிடங்கள் 20-20 பவர் ப்ளேயில் கிறிஸ் கெயிலின் ருத்ரதாண்டவம். பிரகாஷ்ராஜை 'ஆங்ரி பேர்டு மூக்கன்’ என்பது, தனக்குப் பதிலாக டூப்பை ஓடச் சொல்வது, 'அவனுங்களுக்கு வேட்டி- சட்டை போட்டிருந்தாப் போதும்’ என்றபடி சர்க்கரைப் பொங்கல் சாப்பிடுவது, 'வாராவாரம் டி.வி-ல தில்லுமுல்லு படத்தைப் போடுறாங்க. அதைப் பார்த்துட்டும் இப்படி ஏமாந்திருக்கானே?’ என்று பிரகாஷ்ராஜை வாருவதுமாக சிரிக்கக்கூட இடைவெளிவிடாமல் சலம்பித் தள்ளுகிறார் மனுஷன்.

எம்.எஸ்.விஸ்வநாதன் - யுவன்ஷங்கர் ராஜா கூட்டணியில் 'தில்லுமுல்லு தில்லுமுல்லு...’,  'ராகங்கள் பதினாறு’ பாடல்கள் இனிப்பு. 'ஏம்மா... எதை எதையோ பார்த்துக் காதலிக்கிறீங்க... மூஞ்சியைப் பார்த்துக் காதலிக்க மாட்டீங்களா?’, 'டேய்... உனக்கு துபாய் சென்ட் வாங்கிட்டு வந்திருக்கேன். நீ இங்கே இருந்து கௌம்பு’, 'கராத்தே ஒண்ணும் தண்ணியை வடிகட்டுற பிசினஸ் ஒண்ணும் இல்லை!’ பாலாஜி, ரமேஷ் வைத்யாவின் வசனங்கள் படம் முழுக்கப் படீர் காமெடி வெடிக்கிறது.

'இந்திரன் - சந்திரன்’ பாத்திரங்களை வித்தியாசப்படுத்த ஒட்டு மீசை போகவும் ரஜினி எவ்வளவு மெனக்கெட்டிருப்பார்? ரஜினி-மாதவி இடையிலான காதலில் எவ்வளவு ஈர்ப்பு இருக்கும்? கடைசி வரை வழிக்கு வராத தேங்காய் சீனிவாசனை எவ்வளவு பிரயத்தனங்களுக்குப் பிறகு மடக்குவார்கள்? இப்படியெல்லாம் ஒப்பிட்டு ஏங்கி ஏமாற மாட்டீர்கள் என்றால், இந்த 'தில்லுமுல்லு’ கொஞ்சம் ஜாலி கண்ணு!

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close