Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

விடியும்முன் - சினிமா விமர்சனம்

ரு பாலியல் தொழிலாளி, 12 வயது சிறுமியை நிழலுலக வல்லூறுகளிடம் இருந்து காப்பாற்ற, 'விடியும் முன்’ தப்பித் தாவியோட முற்படும் சேஸ் ரேஸ் த்ரில்!

தாதா துரைசிங்கம், புரோக்கர் சிங்காரம், கிரிமினல் ஜான் விஜய், கொடூர வில்லன் சின்னா... என விரட்டும் புலிகளின் துரத்தலுக்கு இடையில், பூஜா, மாளவிகா ஆகிய இரண்டு மான்கள் தப்பித்தனவா என்பதே கதை! 2006-ல் வெளியாகி விருதுகளையும் 'திட்டு’ விமர்சனங்களையும் ஒருசேரக் குவித்த 'லண்டன் டு பிரைட்டன்’ என்ற ஆங்கிலப் படத்தின் லோக்கல் நகல்தான் 'விடியும் முன்’. ஆனால், பாலியல் தொழிலாளிகளின் பாதுகாப்பாற்ற, நிரந்தர ஆதரவற்ற வாழ்க்கையையும், அந்தத் தொழிலில் இளஞ்சிறுமிகள் படும் அவலத்தையும் ஊசி தைப்பது போல சொல்லிய விதத்துக்காக அறிமுக இயக்குநர் பாலாஜி கே.குமாருக்கு வாழ்த்துகள்!

ஒளி வழியும் இரவு எஃபெக்ட், அழுக்கான இடங்கள், வித்தியாசமான வில்லன்கள், அவர்களின் மிக வித்தியாசமான பேசுபொருள்கள், புழக்கத்தில் இல்லாத கார்கள், நியான் விளக்கு லாட்ஜுகள்... என விநோதமான கேன்வாஸில் விரிகிறது ஒவ்வொரு காட்சியும். படத்தின் ஒவ்வொரு பாத்திரமும் பிசிறு தட்டாமல் நடித்து இருள் சூழ்ந்த ஒரு திகில் உலகத்தில் நம்மை உலவவைக்கிறார்கள். படத்தின் காஸ்ட்டிங்... நச்!

சிறுமி மாளவிகா... அட்டகாச அறிமுகம்! 'என்னை எங்கே கூட்டிட்டுப் போறீங்க... பட்டாசு கம்பெனிக்கா?’ என்று புருவம் உயர்த்திக் கேட்கும்போதும், 'என் பேரைச் சொன்னா நம்ப மாட்டீங்க... ஆங்... கந்தசாமி!’ என்று கோபம், சந்தோஷம், பயம், அன்பு, துடுக்கு... என சகல ஃபீலிங்கிலும் அம்சமாக அசத்துகிறாள். 'நமக்கும் வயசாகுதுல சிங்காரம்’ என்று மென்சோகம் காட்டும் பூஜா... 'இத்தனை நாளா இவ்ளோ நடிப்பை எங்கேம்மா வெச்சிருந்த?’ என்று ஆச்சர்யப்படுத்துகிறார்!

'அசட்டு’ புரோக்கர் சிங்காரமாக வரும் அமரேந்திரன், ஆரம்பம் முதலே படத்தை செம ஜாலியாக நகர்த்திச் செல்கிறார். 'சைஸா முக்கியம்... டேப் வெச்சு அளந்து பார்க்கவா போறானுங்க!’, 'நாம பண்ற தொழிலுக்கு பேங்க்ல லோனா கேட்க முடியும்?’ என சிங்காரம் பேசும் ஒவ்வொரு வசனமும் செம ஷார்ப், செம லாஃப்!

சிங்காரத்தின் தொடையில் குத்திய பால்பாயின்ட் பேனாவை, ஒரு பெண் குறும்பாக அமுக்கி விளையாடுவது, 'ராஜா, நாய்’ கதை விவரிப்புகளுக்கு இடையில் நிகழும் சம்பவங்கள், புகைப்பட வரிசையிலேயே உணர்த்தப்படும் லட்சுமி ராமகிருஷ்ணனின் முன்கதை... ரசிகனின் கற்பனைக்கும் இடம் கொடுக்கும் உத்திகள்.

நீள நீள சேஸ் ரேஸ் காட்சிகள் டெம்போ ஏற்றுகின்றனதான். ஆனால், அந்த மெகா நீளமே அந்த டெம்போவை அவ்வப்போது அம்போ ஆக்கவும் செய்கின்றன. 'அந்த சம்பவம்’ குறித்து ஆளாளுக்கு பில்டப் கொடுத்து நகம் கடிக்க வைக்கிறார்கள். ஆனால், சஸ்பென்ஸ் உடைக்கும் இடத்தில்... செம கடி!

சிவக்குமார் விஜயனின் ஒளிப்பதிவும், கிரீஷ் கோபாலகிருஷ்ணனின் பின்னணி இசையும் மழை தூறும் இரவின் சஸ்பென்ஸ் திகிலை திடுக் திக்கென நமக்குள் கடத்துகின்றன.

வித்தியாசக் கோணங்கள், திகில் பின்னணி, கச்சித நடிப்பு, டென்ஷன் திரைக்கதை... விடியும் முன்.. ஒரு வித்தியாச முயற்சி!

- விகடன் விமர்சனக் குழு

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close