Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

தகராறு - சினிமா விமர்சனம்

த்தம், சத்தம், சம்பவம்... என விறுவிறு தகராறு!

திருட்டு நண்பர்கள் அருள்நிதி, பவண்ஜி, முருகதாஸ், சுலில் குமார் டீம், ஊருக்குப் புதிதாக வந்த இன்ஸ்பெக்டர், தாதா அருள்தாஸ், கந்துவட்டி ஜெயப்பிரகாஷ் ஆகிய மூவரின் விரோதத்தைச் சம்பாதிக்கிறது. திடீரென சுலில் குமார் மர்மமாகக் கொல்லப்பட, நண்பனைக் கொன்றவனைத் தேடுகிறார்கள் மற்ற மூவரும். அந்த முக்கோண விரோதக் கூட்டணி மிச்ச மூவரையும் தூக்க ஸ்கெட்ச் போடுகிறது. நண்பர்கள் தப்பித்தார்களா என்பது மீதிக் கதை!

பழக்கவழக்கமான அருவா, மாப்ள நட்பு, குடி, கூத்து நிறைந்த மற்றுமொரு மதுர சினிமாதான். அதில் சின்னச் சின்னத் தகராறுகள் எப்படிப் பெரிய வில்லங்கமாக உருமாறுகின்றன என்று சஸ்பென்ஸ் ரூட் பிடித்த வகையில் கவனிக்க வைக்கிறார் அறிமுக இயக்குநர் கணேஷ் விநாயக். முந்தைய பல 'மதுர சினிமா’க்களை நினைவுபடுத்தினா லும், சஸ்பென்ஸ் சேஸிங்கிலும் க்ளைமாக்ஸ் ரகசியத்திலும் ஸ்கோர் செய்கிறார்கள்.

பூர்ணாவிடம் அசடு வழிந்து போங்கு வாங்கும் இடங்களில் கலகலக்க வைக்கிறார் அருள்நிதி. சுலில் குமார், பவண் இருவரும் திருட்டு சண்டியர் பாத்திரங்களுக்கு நச்.

அத்தனை பெரிய கண்களைக் கொண்டு எவ்வளவு பெரிய அதிர்ச்சிகளையும் சுலபமாக நமக்குக் கடத்திவிடுகிறார் பூர்ணா. படத்தில் வரும் ஒரே பெண் கேரக்டராகக் கிடைத்த 'ஒன் வுமன் ஷோ’ வாய்ப்பில் டிஸ்டிங்ஷன் தட்டுது பொண்ணு!

அஞ்சுக்கும் பத்துக்கும் திருடுபவர்கள் சில்லறைப் பிரச்னைகளால் என்கவுன்டர் வரை போவதும், கொலை செய்தவன் இடது கைப் பழக்கம் உள்ளவன் என்கிற ஒரு லீடை வைத்துக்கொண்டு சந்தேகத்தில் பின்தொடர்வதும் சற்றே நீளம் என்றாலும்... ஓ.கே! ஆனால், சொல்லிவைத்த மாதிரி எல்லா வில்லன்களும் 'நான் அப்படிப் பண்ணுவேனா?’ என்று மறுப்பதும், அனைத்து வில்லன் கும்பலிலும் ஓர் இடது கை பார்ட்டி இருப்பதும்... ஹி... ஹி!

பிரவீன் சத்யாவின் அதிரடிக்கும் பின்னணி இசை, சஸ்பென்ஸ் டெம்போவுக்குப் பக்கபலம். தில்ராஜின் ஒளிப்பதிவு இரவு மதுரையை திக்திக் திகிலுடன் படம் பிடித்திருக்கிறது.

தாறுமாறாக அலைபாயும் திரைக்கதையை, ஆங்காங்கே இழுத்துப் பிடித்து க்ளைமாக்ஸ் முடிச்சு மூலம் கரை சேர்க்கிறார்கள். ஆனால், இப்படியான வம்பு, தும்புத் தகராறுகளை கொஞ்சம் நிறுத்திக்குவோமே!

- விகடன் விமர்சனக் குழு

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close