Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

ஒரு கன்னியும் மூணு களவாணிகளும் - சினிமா விமர்சனம்

ரு கல்யாணம்... ஒரு கடத்தல். அந்தக் கடத்தல் ஒரு நிமிடம் முன் பின்னாக நடந்தால் என்ன ஆகும் என்ற ஃபேன்டசி கற்பனையே இந்தக் களவாணி களின் கதை!

அருள்நிதியின் காதலி ஹஷ்ரிதாவுக்கு 'கட்டாயத் திருமணம்’ முடிக்கத் திட்டமிடுகிறார்கள் அவரது பெற்றோர். திருமணத்தில் புகுந்து தன் காதலியைக் கடத்த நண்பர்கள் பிந்து மாதவி, பகவதி பெருமாளோடு திட்டமிடுகிறார் அருள்நிதி. 'நாரதர் கலகம்’ காரணமாக இதை 'மேலே’ இருந்து கவனிக்கும் சிவபெருமான், அருள்நிதி குரூப் கடத்தலுக்குக் கிளம்புவதை ஒரு நிமிடம் முன் பின் நிகழ்த்திக் காட்டுகிறார். ஒரே சம்பவம் ஒரு நிமிட வித்தியாசத்தில் மூன்று விளைவுகளைக் கொடுப்பதே படம்!

'ரன் லோலா ரன்’ படத்தின் 'நிமிட வித்தியாச’ முடிச்சை எடுத்துக்கொண்டு, சிவன், நாரதர், காதலி கடத்தல் என லோக்கல் டச் கொடுத்திருக்கிறார் இயக்குநர் சிம்புதேவன். (ஜெர்மனியில் காதலனைக் காப்பாற்ற காதலி ஓட, சென்னையில் காதலியை மீட்க காதலன் ஓடுகிறார்!) அந்நியத் தழுவல் என்றாலும் குட்டிக் குட்டி ட்விஸ்ட்கள் மற்றும் சுவாரஸ்யத் திருப்பங்கள் மூலம் ரசிக்கவைக்கிறார் சிம்புதேவன். ஒரே 200 ரூபாய் ஒவ்வொரு வெர்ஷனிலும் வெவ்வேறு நபர்களிடம் கைமாறுவதும், ஒரு போலீஸ் - ரவுடி கதை வெவ்வேறு க்ளைமாக்ஸுடன் முடிவதும், துப்பாக்கியைக் கையாளாத அத்தியாயத்தில் நல்லதே நடப்பதும் என க்ளீன் ட்ரீட்மென்ட்!

ஓடிக்கொண்டே இருப்பதைத் தவிர அருள்நிதிக்குப் பெரிய வேலை இல்லை. கையில் அடிபட்டிருக்க, ஹஷ்ரிதா 'அந்த சமயம்’ உதவும் காட்சியில் மட்டும் கொஞ்சமாக நடித்துக் காண்பித்திருக்கிறார். ஏஞ்சலினா ஜோலியின் கோடம்பாக்க ஜெராக்ஸாக வெடவெடக்கிறார் பிந்து மாதவி. பென்சில் அழகிக்கு ஆக்ஷன் ரோல் நன்றாகவே கை கொடுக்கிறது. மூன்று அத்தியாயங்களில் ரிப்பீட் காட்சி அலுப்பு சலிப்பில் இருந்து காப்பாற்றுவது பிந்து மாதவியின் கிறக்கக் கண்களும் ஹனி ஸ்மைலும்தான்!

மற்ற கதாபாத்திரங்கள் அனைத்தும் சீரியஸாக உலாவர, சிரிசிரிக்க வைக்கிறார் பகவதி பெருமாள். 'என்கிட்டலாம் ஃப்ளாஷ்பேக் கேட்காதீங்கப்பா... என் முஞ்சைப் பார்த்தாலே தெரியலை, எனக்கு பணப் பிரச்னை இருக்குனு’, 'பணத்தை வாங்கிராதே... டோல்கேட் காசு 40 ரூபா சேர்த்து வாங்கு’ என அப்பாவி முகத்துடன் டைமிங் கமென்ட் அடிப்பதும் 'பார்ட்னர் பதற்றத்திலேயே’ வெலவெலப்பது மாகக் கலகல!

ஒவ்வொரு நிமிட இடை வெளியில் மறித்து நிற்கும் லாரி, பள்ளிப் பேருந்து, தர்பூஸ் பெண் மணி... என நுணுக்கமான காட்சி களிலும், 'இந்த முறை ஐந்து உயிர்கள் சாகப்போகின்றன’ என்ற சிவனின் பில்டப்பும், 'இப்பவும் நல்லது நடக்கலைனா, திரும்பவும் ஃபேன் தலையில விழும். இது நமக்குத் தேவையா?’ என்ற வி.எஸ்.ராகவன் பன்ச் அடிப்பதும் செம செம! ஓட்டமும் நடையுமாக சென்னை வீதிகளில் விரையும் எஸ்.ஆர்.கதிரின் ஒளிப்பதிவு படத்துக்குப் பெரும் பலம்.

ஐடியா சுவாரஸ்யமாக இருந்தாலும் 'அய்யய்யோ மூணாவது தடவையா..!?’ என இரண்டு மணி நேரத்துக்கும் மேலாக நீட்டி முழக்கியதில்... ஆவ்வ். இந்தக் கதைக்கு சிவன், பிரம்மா, விதி என ஆன்மிக லெக்சர் அவசியமா?

ஆனாலும், களவாணிகளின் 'ரிலே ரேஸ்’ ஓட்டம்... ஜாலிக் கொண்டாட்டம்!

- விகடன் விமர்சனக் குழு

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close