Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

எலி - படம் எப்படி?

தான் திரையில் வந்தாலே மக்கள் சிரித்துவிடுவார்கள் படத்தில் வேறு எதைப்பற்றியும் அவர்கள் கவலைப்படமாட்டார்கள் என்று நம்பி வடிவேலு நடித்திருக்கும் படம். படத்தின் தொடக்கத்திலேயே 1960 இல் நடக்கும் கதை என்று சொல்லிவிடுகிறார்கள். அப்போது தங்கம் வைரத்தைவிட உயர்ந்த பொருளாக இருப்பது சிகரெட். அதற்கு அரசாங்கம் தடைவிதித்திருக்கிறது. ஆனாலும் மக்கள் திருட்டுத்தனமாக அதைப் பயன்படுத்துகிறார்கள். அதை வெளிநாட்டிலிருந்து கடத்திக்கொண்டு வரும் கொள்ளைக்கூட்டத்தைப் பிடிக்க காவல்துறை திட்டமிடுகிறது. முள்ளை முள்ளால் எடுக்கவேண்டுமென்கிற அரதப்பழசான விதிப்படி கடத்தல்கூட்டத்தைப் பிடிக்க ஒரு திருடனை அனுப்புகிறார்கள். அந்தத் திருடன்தான் வடிவேலு.

படம் முழுக்க வடிவேலு, வடிவேலு, வடிவேலு தான். எல்லாக் காட்சிகளிலும் அவரே இருக்கிறார். நிறையப் பேசுகிறார், அவருடைய உடல்மொழியைப் பார்த்தாலே சிரிக்கிற காலம் முடிந்துவிட்டது. ஆனால் இன்னும் அவர் தன் உடல்மொழியை மட்டும் நம்பிக்கொண்டிருக்கிறார்.

தொடக்கத்தில் எலி என்ற பெயருடன் விநோதமான முடியலங்காரத்துடன் வடிவேலு பல திருட்டுகளைச் செய்கிறார். ஒவ்வொன்றும் தனித்தனிக் காட்சிகளாகவே இருக்கின்றன. திருடுவதற்கு அவரும் அவருடைய கூட்டாளிகளும் பயன்படுத்துகிற உத்தி மிகப்பழைய உத்திகள் என்பதால் சிரிப்புக்குப் பஞ்சமாகிவிட்டது. வங்கியொன்றில் கொள்ளையடிக்கப் போகும் காட்சி உட்பட வடிவேலு திருடப்போகும் காட்சிகளில், 1960 போல் காட்டவேண்டும் என்பதற்காக மெனக்கெட்டிருப்பதில் பாதியைக் காட்சி உருவாகத்திலும் காட்டியிருந்தால் சிறப்பாக இருந்திருக்கும்.

காவலதிகாரி வீட்டிலேயே திருடும்காட்சியும் ஏற்கெனவே பார்த்த மாதிரி இருக்கிறது. அதன்பின்னர் அவர் கொள்ளைக்கூட்டத்தில் ஒருவராகச் சேர்ந்துவிடுகிறார். எம்ஜிஆர் படங்களில் வருகிற கொள்ளைக்கூட்டம், அதன் பாஸ், அடியாட்கள், சீட்டாட்டம் எல்லாவற்றையும் அப்படியே வைத்திருக்கிறார்கள். அப்போது ரசிக்க முடிந்தவவை, இப்போது ரசிக்கமுடியாதவையாக இருக்கின்றன.

இடைவேளைக்குப் பிறகுதான் நாயகி சதா வருகிறார். இரண்டு பாடல்கள் மற்றும் இரண்டரைக்காட்சிகளில் மட்டும் நடித்திருக்கிறார். அவ்விரு பாடல்களிலும் தன் பங்கை நன்றாகச் செய்து ரசிகர்களை மகிழ்விக்கிறார். ஆராதனா படப்பாடலை அப்படியே எடுத்திருக்கிறார்கள். அந்தப்பாடலில் ராஜேஷ்கண்ணா இடத்தை வடிவேலுவால் நிரப்பமுடியவில்லை என்றாலும் ஷர்மிளாதாகூரின் இடத்தில் பாதியைப் பிடித்துவிடுகிறார் சதா.

படத்தில் கலைஇயக்குநர் தோட்டாதரணிக்குத்தான் அதிகவேலை, வங்கி, அஞ்சல்நிலையம், வானொலிநிலையம் மற்றும் கொள்ளைக்கூட்டத்தின் தலைமையகம் என்று 1960களில் இருப்பது போன்ற எல்லாவற்றையும் செட் போட்டிருக்கிறார். பழையபடங்களைப் பார்ப்பது போன்ற எண்ணத்தைக் கொண்டுவந்து தன் பங்கைச் சரியாக நிறைவேற்றியிருக்கிறார்.

வித்யாசாகரின் இசையில் பாடல்கள் கேட்கிற மாதிரி இருக்கின்றன. பின்னணிஇசை 1960 களைப் போலிருக்கவேண்டும் என்பதற்காகக் காதுகிழிகிற மாதிரி பின்னணிஇசை அமைக்கவேண்டுமா என்ன? அதுவும் வடிவேலு வருகிற காட்சிகளில் பின்னணிஇசையின் மூலமும் சிரிக்கவைக்கவேண்டும் என்று அவர் நிறைய உழைத்திருக்கிறார்.

படத்தில் வில்லனாக நடித்திருக்கும் பிரதிப்ராவத், காவலதிகாரியாக நடித்திருக்கும் ஆதித்யா ஆகிய இருவரும்தான் வடிவேலுவுக்கு அடுத்து அதிகக்காட்சிகளில் வருகிறார்கள். மகாநதிசங்கர், போஸ்வெங்கட், நான்கடவுள்ராஜேந்திரன், ராஜ்கபூர், முத்துகாளை உட்பட பல நடிகர்கள் சில காட்சிகளில் வந்துபோகிறார்கள்.

இயக்குநர் யுவராஜ்தயாளன், நாயகன் வடிவேலுவின் மீது அளவுகடந்த நம்பிக்கை வைத்துவிட்டார், அதனால் கதை மற்றும் திரைக்கதையில் போதியகவனத்தைச் செலுத்தவில்லை. நிறையச் செலவு செய்து அரங்குகளை அமைத்திருக்கிறார்கள் ஆனாலும் வானொலி இருக்கும் காலத்திய படமென்பதால் வானொலியில் ஒலிச்சித்திரமாகக் கேட்டுப் புரிந்துகொள்ளக்கூடிய அளவில் வசனங்கள் நிறைந்திருப்பதால் கண்களைவிடக் காதுகளுக்குக் கூடுதல் வேலை கொடுக்கவேண்டியிருப்பது பலவீனம்.

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close