Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

ஹாரிபாட்டர் வில்லனான கதை! “Now You See Me” படம் எப்படி?

முதல் பாகம், ஐந்து மடங்கு பணத்தை அள்ள, “நௌ யூ சீ மீ” படத்தின் தயாரிப்பு குழு, இரண்டாம் பாகம் பற்றி யோசித்து இருப்பார்கள். ஆனால், படம் முதல் பாகம் அளவுக்கு இருந்ததா என்பதைத் தெரிந்துகொள்ள திரையரங்கிற்குள் நுழைந்தோம்.

முதல் பாகத்தின் இறுதியில் போலீஸிடம் இருந்து தப்பித்த, நான்கு ஹார்ஸ்மென்களும், ரகசிய குழுவில் இருந்து அழைப்பு வருவதற்காக பதுங்கி வாழ்கிறார்கள். ஹார்ஸ்மென்களின் தலைவரான மார்க் ரஃபலோ (Mark Ruffalo), அடுத்த அசைன்மென்ட் தருகிறார். அங்கு இவர்கள் மாயாஜால வித்தைகளை அவிழ்த்தவுடன், இவர்களே வில்லன் டேனியல் ரேடிக்லிஃபிடம் (அட, நம்ம ‘ஹாரி பாட்டர்’ ஹீரோ ) மாட்டிக் கொள்கிறார்கள்.

ரேடிக்லிஃப் சொல்லும் விஷயங்களை ஹார்ஸ்மென்கள் செய்தார்களா?, எப்படி தப்பித்தார்கள், முதல் பாகத்தின் வில்லன் மார்கன் ஃபிரீமென் என்ன ஆனார் என முடிகிறது கதை.

ஆரம்ப காட்சி முதல் BeLive, faint என்பதை தலைகீழாக்கி thief போன்ற வார்த்தை ஜாலங்களுடன் ஆரம்பிக்கிறது படம். முதல் பாகத்தில் வந்த இஸ்லா ஃபிஷருக்கு பதிலாக லிஸ்ஸீ கெப்லான் இந்த படத்தில் பெண் மெஜிசியனாக வருகிறார். முதல் பாகத்தில் வரும் மாயாஜால காட்சிகளில் இருக்கும் எதிர்பார்ப்பு ஏனோ, இரண்டாம் பாகத்தில் பெரிதாக இல்லை.

சீனா, அமெரிக்கா, லண்டன் என படம் டேக் ஆஃப் ஆனாலும், கதை டேக் ஆஃப் ஆக மறுக்கிறது. ஆரம்பத்தில் வரும் தொழிலதிபர் ஓவன் கேஸ் காட்சி, கட்டிடத்தினுள் சென்று கருவியை திருடும் காட்சி போன்ற காட்சிகள் மட்டும் மேஜிக் ஸ்பெஷல்.

முதல் பாகத்தில் மார்கன் ஃப்ரீமென், மெயின் வில்லன் மைக்கல் கெய்ன் ஆகியோரை ஏமாற்றும் ஹீரோக்கள், இந்த பாகத்தில் வரும் இறுதிக் காட்சியில் ரசிகனை ஏமாற்றுவது போல், எடுத்து இருப்பது பெரிய அளவில் சோபிக்கவில்லை. வில்லனாக நடித்து டேனியல் ரேடிக்லிஃபும், காமெடி வில்லன் போல் காட்சி அளிப்பதால், அடப்போங்க பாஸ் என்பது போல் தான் இருக்கிறது.

மல்ட்டி ஸ்டார் காஸ்டிங் என்றாலும், எங்குமே நகராத கதையில் அனைத்தும் வீணாக இருக்கிறது. 
இறுதியில் கொடுக்கப்படும் மார்கன் ஃப்ரீமென் ட்விஸ்ட் எல்லாம் தமிழ்ப்படத்தில் வரும் பரவை முனியம்மா வில்லி லெவல் என திரைக்கதை எழுதிய எட் சாலமனுக்கு சொல்லிக்கொள்கிறோம்.

பெரிய எதிர்ப்பார்ப்புடன் போனதால், படம் பெரிதாக ஈர்க்கவில்லை. மூன்றாவது பாகம் வருகிறது என உறுதி அளித்து இருக்கிறார்கள், காத்து இருப்போம்...

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close