Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

குறையில்லாத உயிர்கள் உலகில் ஏது? - மை ஷூஸ் குறும்படம்!

குறையில்லாத உயிர்கள் எங்கே இருக்கிறது, மனிதன் , மிருகங்கள் என இந்த உலகின் ஜீவ ராசிகள் ஒவ்வொன்றும் ஏதோ ஒரு குறைகளுடன் தான் இருக்கின்றன. அவன் அப்படி இருக்கிறானே, நாம்மால் முடியவில்லையே என்ற எண்ணம் இல்லாத மனிதர்களும் இல்லை என்றே கூறவேண்டும்.

சின்ன சின்ன விஷயங்களுக்கும் ஒப்பிட்டு பார்க்கும் குணம் தான் நாம் வாழ்வின் பெரிய முட்டுக்கட்டை என்றே சொல்ல வேண்டும். கிடைத்த வாழ்வை முழுமையாக ரசித்து வாழும் பழக்கம் இருந்தால் மட்டுமே சந்தோஷமாக இருக்க முடியும். இந்த கருத்தை மிக எளிமையாக எடுத்துரைக்கிறது இந்த ‘மை ஷூஸ்’ குறும்படம்.

கதை இதுதான், ஒரு சிறுவன் கந்தல் உடையில், கிழிந்த ஷூக்களுடன் ஒரு பூங்காவில் சுற்றிக் கொண்டிருக்கிறான். அவனது ஏழ்மை நிலை அவனை மிகவும் சோகத்திலேயே வைத்திருக்கிறது. பலரும் சிரிக்கிறார்கள். ஒரு கட்டத்தில் பூங்காவின் ஒரு இருக்கையில் அமர அந்த இருக்கையின் மற்றொரு மூனையில் ஒரு பணக்கார சிறுவன், நல்ல உடைகள், ஷூக்கள் என போட்டுக்கொண்டு இவனைப் பார்த்து சிரித்து கையசைக்க, இவனோ அவனது ஷூக்களையும் , தனது ஷூக்களையும் பார்த்துவிட்டு சோகத்துடன் அருகில் இருக்கும் மரத்தடியில் சென்று அமர்ந்துகொள்கிறான்.

அங்கே அமர்ந்தவன் மிகவும் வேண்டி விரும்பி நான் அவனாக மாற வேண்டும் என கேட்டு மன்றாட சிறிது நேரத்தில் அவனிடத்தில் இந்த சிறுவன் அமர்ந்திருக்கிறான். கொஞ்ச நேரத்தில் பணக்காரனாக இருந்த சிறுவன் இவனது ஏழ்மை நிலையில் மரத்தடியில் மிகவும் சந்தோஷமாக ஓடிக்கொண்டு சுற்றி வருகிறான். சிறிது நேரத்தில் ஒரு வயதான பெண் சக்கர நாற்கலியில் ஏழையாக இருந்து பணக்காரனாக மாறிய சிறுவனை வண்டியில் உக்கார அழைக்கும் போதுதான் உண்மை நிலை புரிகிறது.

இவனுக்கு ஷூக்கள் தான் புதிதாக இல்லாமல் இருந்தன, ஆனால் அந்த பணக்காரனாக இருந்த சிறுவனுக்கோ கால்கள் செயல்பாடாது இருந்திருப்பது அவனுக்கு தெரிய வர மீண்டும் சக்கர நாற்காலியில் சிறுவன் சோகத்துடன் செல்கிறான். நாம் நாமாக இருக்கும் வரை மட்டுமே நமக்கு நம் வாழ்க்கை நிம்மதியாக இருக்கும். அடுத்தவர் போல் நாம் இல்லையே என எண்ணத் துவங்கி விட்டால் நம்மால் நம் வாழ்வில் சந்தோஷத்தை பெற முடியாது என்பதை வெறும் 3 நிமிடங்கள் 53 நொடிகளில் சொல்லியிருக்கிறது இந்த ஆஸ்திரேலியா நாட்டின் ’மை ஷூஸ்’ குறும்படம். இப்படத்திற்கு கதை திரைக்கதை எழுதி இயக்கியுள்ளார் நிமா ரவூஃபீ. நிக் ராபின்ஸ், நெட் பால்டெர்ஸ்டோன், இருவரும் முறையே ஏழை மற்றும் பணக்கார சிறுவர்களாக நடித்துள்ளனர். 2012ல் வெளியான இந்தப் படம் பல சினிமா விழாக்களில் பல விருதுகளை பெற்றதுடன் யூடியூபில் மட்டும் 50 லட்சத்திற்கும் அதிகமானோர் பார்த்த வைரல் வீடியோவாக மாறியுள்ளது. மேலும் வாட்ஸப், முகநூல் உள்ளிட்டவைகளிலும் அதிகம் பகிரப்பட்டு வருவது குறிப்பிடத்தக்கது. 

குறும்படத்தைக் காண: 

 

- ஷாலினி நியூட்டன் - 

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close