Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

ஆந்திராவைக் கலக்க வரும் அல்லு சிரிஷ்!

அக்கட பூமியிலுள்ள மெகா குடும்பத்தின் வாரிசு, ஹீரோ அல்லு சிரிஷ். தயாரிப்பாளர் அல்லு அரவிந்த் மகன். ஆக்ஷன் ஹீரோ அல்லு அர்ஜூன் தம்பி.
 
‘கௌரவம்’ படத்தின் மூலம் அறிமுக ஹீரோவாக களம் இறங்கியவர், இப்போது டோலிவுட்டில் அடுத்த படத்துக்கு ரெடியாகிவிட்டார். 'கேடி பில்லா கில்லாடி ரங்கா'வில் கவனம் ஈர்த்த ரெஜினாவுடன் கைகோர்க்கும் சிரிஷ் நடிக்கும் படம் ‘கொத்தஜன்டா.'

‘‘ 'கௌரவம்' படம் சரியா ரீச் ஆகலைன்னாலும், இப்படி ஒரு படத்துல அறிமுகம் ஆனதுக்காக பெருமைப்படறேன். மும்பையில மாஸ் கம்யூனிகேஷன் படிச்சுக்கிட்டு இருக்கும்போது, 'தயாரிப்பாளர் வேலைகளை இந்தி 'கஜினி'  படத்துல மட்டும் செய். அப்புறம் உனக்குப் பிடிச்சதை செய்’னு அப்பா சொன்னாரு.

ஷூட்டிங் ஸ்பாட்ல அமீர்கான் சாரைப் பார்த்து நடிப்புல சில விஷயங்களைக் கத்துக்கிட்டேன். அப்போது என் நடிப்பு ஆர்வத்தைக் கவனிச்ச முருகதாஸ் சார், ‘நீங்க ஹீரோவா நடிக்கலாமே தம்பி... தயங்காம நடிங்க'னு சொன்னார். அப்புறம் தான் ஹீரோவாக முடிவெடுத்தேன்.

'நான் நடிக்கலாம்னு இருக்கேன் மாமா'ன்னு சிரஞ்சீவி முன்னாடி போய் நின்னேன். ‘எதுவா இருந்தாலும் இங்கே கஷ்டப்பட்டுதான் ஆகணும். எதுவுமே இங்க ஈஸியா  கிடைக்காது. ஹீரோவாகும்போது உனக்குன்னு ஆடியன்ஸ் கிடைப்பாங்க. அவங்க உன்கிட்ட நிறைய எதிர்பார்ப்பாங்க. அதை நீதான் நிறைவேத்தணும். பெருசா பண்ணனும்னு பிரஷரை ஏத்திக்காதே. ஸ்டெப் பை ஸ்டெப்பா பண்ணு’னு சொன்னார்.

நான் சினிமாவுல போக வேண்டிய தூரம் இன்னும் இருக்கு. ‘கொத்தஜன்டா’ என்னை முழுசா நிரூபிக்கும்" என்கிறார் சிரிஷ்.

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close