Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

’கத்தி’ தெலுங்கு ரீமேக்கில் ஜூனியர் என்.டி.ஆர்!

ஏ.ஆர்.முருகதாஸ் இயக்கத்தில் விஜய், சமந்தா , சதீஷ் நடிப்பில் சென்ற வருட தீபாவளி சிறப்பாக வெளியான படம் ‘கத்தி’. படத்திற்கு இசை அனிருத். படத்தின் ரிலீஸில் ஏகப்பட்ட இடையூறுகள் உருவாகி பின் ஒருவழியாக வெளியாகி ஹிட்டும் அடித்தது.

விமர்சன ரீதியில் கலவையான கருத்துகள் நிலவினாலும் பாக்ஸ் ஆபிசில் படம் ஹிட்டானது. இதனையடுத்து படத்தை தெலுங்கு மற்றும் இந்தி உள்ளிட்ட மொழிகளில் ரீமேக் செய்யும் எண்ணத்தில் உள்ளனர் தயாரிப்புக் குழு.

முன்னதாக மகேஷ் பாபு மற்றும் பவன் கல்யாண் இருவரிடமும் பேசப்பட்டது. பவன் கல்யாண நடிக்க மறுத்தார். அதே சமயம் மகேஷ் பாபு நான் ரீமேக் படங்களில் நடிப்பதில்லை என கூறினார். அதே போல் இந்தியில் சல்மான் கானிடம் பேசினார் முருகதாஸ் எனினும் அது குறித்து தகவல்கள் ஏதும் வெளியாக வில்லை.

தற்போது இப்படத்தின் தெலுங்கு ரீமேக் உரிமையை நல்லமல்லப்பு ஸ்ரீனிவாஸ் மற்றும் தாகூர் மது ஆகியோர் இணைந்து வாங்கியுள்ளனர். இதைத் தொடர்ந்து இப்படத்தை இயக்கும் வாய்ப்பை தெலுங்கு முன்னணி இயக்குநரான கோபிசந்துக்கு வழங்கப்பட்டுள்ளது. விஜய் நடித்த பாத்திரத்தில் ஜூனியர் என்.டி.ஆர் நடிக்க இருக்கிறார். ஹீரோயின் தேர்வு நடந்து வருகிறது.

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close