Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

துள்ளலும் எனர்ஜியும் இல்லாத கிக் 2- திரைஅலசல்

2009ல் தெலுங்கில் வெளியாகி ப்ளாக் பஸ்டர் ஹிட்டடித்த படம் 'கிக்'. தமிழில் 'தில்லாலங்கடி' என ரீமேக் செய்யப்பட்டது. தற்போது கிக் படத்தின் இரண்டாம் பாகம் வெளியாகியிருக்கிறது. இந்தப் படம் எப்படி? வாங்க பார்க்கலாம்.

'கிக்' படத்தின் முதல் பாகத்தில் 'கிக்'கை வைத்து ஆடிய ஆட்டத்தை இரண்டாம் பாகத்தில் 'கம்ஃபர்ட்டை' வைத்து ஆடியிருக்கிறார் சுரேந்தர் ரெட்டி.

முதல் பாகத்தின் ஹீரோ கல்யாணின் (ரவிதேஜா) மகன் தான் இந்த பாகத்தின் ஹீரோ ராபீன்ஹூட் (இதுவும் ரவிதேஜா தான்). டாக்டருக்குப் படித்திருக்கும் ரவிதேஜா சொந்தமாக மருத்துவமனை கட்ட ஆசைப்படுகிறார். அதற்கான பணத்தேவைக்காக இந்தியாவில் இருக்கும் தன் நிலத்தை விற்றுப் பணம் ஏற்பாடு செய்வதற்காக இந்தியா வருகிறார் ரவிதேஜா. இதற்குப் பேர்லலாக சாலமன் சிங் தாகூர் (ரவி கிஷான்) விலாஸ்பூர் ஊரையே அடிமைப்படுத்தி வைத்திருப்பது பற்றி காட்டப்படுகிறது.

ரவிதேஜா தன் நிலத்தை விற்க வரும் இடையூறுகளை மிக கூலாக கையாள்வதை பார்க்கும் சைத்ராவுக்கு (ரகுல் ப்ரீத்சிங்) ரவிதேஜா மேல் காதல். நிலத்தை விற்க வந்த ரவிதேஜாவுக்கும் ரவி கிஷானுக்கும் இடையில் மோதல் வருகிறது. அது எப்படி? அதை ரவிதேஜா வெல்வது எப்படி என்பதை பக்கா ஆந்திரா மசாலாவாக சொல்கிறது கிக்2.

முதல் பாகத்தில் இருந்த துள்ளலும், எனர்ஜியும் இதில் மொத்தமாக குறைந்திருக்கிறது. முடிந்த வரை ரவிதேஜாவுக்கு மாஸ் காட்ட முயற்சித்திருக்கிறார்கள். கிக் படத்தின் ஸ்பெஷலே அதன் காமெடி கலந்த ரேஸி திரைக்கதை தான். ஆனால் கிக் 2 கொஞ்சம் தடுமாறுகிறது. இடைவேளைக்குப் பிறகு எக்ஸ்பிரஸ் வேகத்தில் செல்ல வேண்டிய கதை அப்படியே தேங்கி நிற்கிறது.

படத்தின் மொத்த எனர்ஜி பூஸ்டர் ரவிதேஜா மட்டும் தான். முகத்தில் முதிர்ச்சி தெரிந்தாலும் மனிதர் பிரமாதமான பாடி லாங்குவேஜில் அசத்துகிறார். அதுவும் பிரம்மானந்தத்தோடு சேர்ந்து நடத்தும் கம்ஃபர்ட் கலாட்டாக்கள் உச்சக் கட்டம். வழக்கமான ஹீரோயின் வேலைகளை செய்வதோடு ஒரு ட்விஸ்ட்டுக்கும் (அவ்வளோ பெரிய ட்விஸ்ட் இல்ல) துணை நிற்கிறார் ரகுல் ப்ரீத்சிங். மற்றபடி அதே பழைய வில்லன், அதை பழைய கிளைமாக்ஸ் ஃபைட், அதே ஹீரோயிச பில்டப்புகள் என போரடிக்கிறது படம்.

தமன் இசையில் பின்னணி மாஸ் கூட்டுகிறது, மனோஜ் பரமஹம்சாவின் கேமிரா ஆக்ஷன் காட்சிகளில் அனல் பறக்க விடுகிறது. படத்தின் முடிவில் கிக் 3க்கான லீட் கொடுத்திருக்கிறார்கள். மூணாவது பாகத்திலாவது மறுபடி முதல் பாகத்தில் இருந்த மேஜிக்கை கொண்டுவாங்க சுரேந்தர் ரெட்டி காரு!

பா.ஜான்ஸன்

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close