Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

சமூகவலைதளத்தில் மஞ்சுவாரியர் சந்தித்த சிக்கல்

ஜோதிகா நடித்த 36 வயதினிலே படம் மலையாளத்தில் வெற்றி பெற்ற ஹவ் ஓல்ட் ஆர் யு படத்தின் தமிழாக்கம். ஹவ் ஓல்ட் ஆர் யு படத்தில் நாயகியாக நடித்திருந்தவர் மஞ்சுவாரியர். இவர் பிரபல மலையாள நடிகர் திலீப்பை மணந்து பிறகு விவாகரத்து பெற்றவர். விவாகரத்துக்குப் பிறகு அவர் நடித்த படம்தான் ஹவ் ஓல்ட் ஆர் யு. அதைத் தொடர்ந்தும் சில படங்களில் நடித்துக் கொண்டிருக்கிறார்.

அவர் நடித்து வெளிவரவிருக்கும் புதிய திரைப்படம் ஒன்றின் பிரமோஷனுக்காக, நடிகர் சுராஜ்வெஞ்சரமூட்  உடன், தான் இருக்கும் புகைப்படத்தை  தன்னுடைய முகநூல் பக்கத்தில் பதிவேற்றியுள்ளார்.  அந்த புகைப்படத்தின் கீழே, ஆபாசமான முறையில் ஒருவர் கமென்ட் செய்தாராம். அதையடுத்து, அம்மாநில டி.ஜி.பி சென் குமாரிடம் இது குறித்து  மஞ்சு வாரியர்  புகார் செய்துள்ளார்.

அந்த, ஆபாச கமென்ட்டை எழுதிய நபர்,  கொச்சியில் பயிற்சி போலீஸ்  அதிகாரியாக  பணிபுரியும்  ரெஜூ மோன் என்பது தெரிய வந்ததை அடுத்து, அவர் உடனடியாக சஸ்பென்ட் செய்யப்பட்டுள்ளதாகச் சொல்லப்படுகிறது.

இது குறித்து கருத்து வெளியிட்டுள்ள மஞ்சு வாரியார் “பெண்களைப் பாதுகாக்க வேண்டிய பொறுப்பில் இருக்கும் அதிகாரியே இது போன்ற செயலில் ஈடுபட்டதால், புகார் அளிக்க வேண்டி வந்தது” எனக் குறிப்பிட்டார்.

“பொறுப்புள்ள எந்த அதிகாரியும் இது போன்ற செயலில் ஈடுபட மாட்டார்கள். இந்த நடவடிக்கையைப் பழி வாங்கும் விதமாகப் பார்க்காமல், பெண்களுக்கான பாதுகாப்பை உறுதி படுத்தும் ஒரு  நடவடிக்கையாக மட்டுமே பார்க்க வேண்டும்” என்றும் சொல்லியிருக்கிறார்.

இந்தச் சம்பவத்தில் துணிச்சலாகச் செயல்பட்ட மஞ்சுவாரியரை பலரும் பாராட்டுகிறார்களாம்.
 

 

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close