Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

ஸ்ருதி ஹாசனை ஓரம்கட்டிய நடிகை!

சென்ற வருடம் தமிழில் பிளாக் பஸ்டர் ஹிட்டான படங்களில் அனைவரது கவனத்தையும் ஈர்த்த படம், தனி ஒருவன். தமிழ்த் திரையுலம் மட்டுமின்றி, இந்தி, தெலுங்கு, மலையாளம் போன்ற அனைத்து திரையுலகமும் இதன் ரீமேக் உரிமத்தைப் பெற போட்டியிட்டனர். தமிழில் ஜெயம் ரவி, அரவிந்த் சாமி, நயன்தாரா என அவரவர் பங்கிற்கு நடிப்பில் சீறி இருந்தனர்.

இப்படத்தின் தெலுங்கு ரீமேக்கில், மெகா ஸ்டார் ராம் சரண் நடிக்கவுள்ளதாக முன்னதாகவே தகவல்கள் வெளியாகிய நிலையில், கதாநாயகியாக ஸ்ருதி ஹாசன் நடிப்பார் என கூறப்பட்டது. கிட்டதட்ட அவர் தான் என செய்திகள் பரவி வந்த நிலையில் ,அந்த வாய்ப்பு ரகுல் பரீத் சிங்கிற்கு கிடைத்துள்ளது. முன்னதாக ராம் சரணுடன் புரூஸ் லீ படத்தில் இணைந்து நடித்திருந்த ரகுல் பரீத் சிங்கிற்கு, இது அவருடனான இரண்டாவது படம். இந்த வருடத்தில் முதலில் வெளியான நன்னகு பிரேமத்தோ படத்தில் ஜூனியர் என்.டி.ஆர்க்கு ஜோடியாகவும் ரகுல் பரீத் சிங் நடித்திருந்தார்.

இப்படம் அங்கு பெரும் வரவேற்பைப் பெற்றது. இதனை அடுத்து அனைவரிடத்திலும் பெரும் எதிர்பார்ப்பை ஏற்படுத்தி இருக்கும் தனி ஒருவன் ரீமேக்கிலும் ரகுல் நடிக்க இருப்பது பலரது கவனத்தையும் ரகுல் மீது திருப்பியுள்ளது. சுரேந்தர் ரெட்டி இயக்கவுள்ள இப்படத்தின் படப்பிடிப்பு, இந்த மாத இறுதியில் தொடங்க உள்ளதாகக் கூறப்படுகிறது. அரவிந்த் சாமி கதாபாத்திரத்தில் அவரே நடிக்கவுள்ளார். 1995க்கு பிறகு அரவிந்த் சாமி, மீண்டும் தெலுங்கில் நடிக்கவுள்ளார். மேலும் தெலுங்கில் அரவிந்த் சாமி நடிக்கும் இரண்டாவது படம் இது என்பது குறிப்பிடத்தக்கது. தமிழில் இப்படத்திற்கு இசையமைத்த ஹிப் ஹாப் தமிழாவே, தெலுங்கிலும் இசையமைக்க இருக்கிறார்.

-பிரியாவாசு-

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close