Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

1 4 3 சொல்ல வைத்த அஜித் மேஜிக்! #21yearsofAasai

 

இன்றைய அல்டிமேட் ஸ்டார் அஜித்துக்கு மிகப்பெரிய ப்ரேக் கொடுத்த 'ஆசை'படம் வெளியாகி இன்றுடன் 21 வருடங்கள் ஆகின்றன. அவ்வளவு  ஃப்ரெஷான அஜித் இனி எப்பவுமே சான்ஸே இல்ல. அஜித் மட்டுமல்ல அதன் இயக்குநர் வசந்த்க்கும் இதை தொடர்ந்து  ஹிட் கொடுக்கும் அளவிற்கு செம பூஸ்ட் கொடுத்தபடம் இது.

1. இன்றைய அஜித்தின் ஓப்பனிங் சீனுடன் ஆசையில் அவரின் ஓப்பனிங் காட்சியை ஒப்பிட்டு பார்த்தால் அது ஒரு ரோஜா பூப்பதை. இன்று இருக்கும் மாஸ் ஒரு கெத்து என்றால், இது ஒருவகையில் சாஃப்ட். அஜித்துக்கு இந்தப் படத்தில் டப்பிங் கொடுத்தவர் நடிகர் சுரேஷ்.

2.ஆசை படத்தின் வெற்றி யாருமே கணிக்க முடியாத அளவிற்கு  அமைந்தது. படத்தின் முடிவில்தான், நியாயமான தலைப்பை இயக்குநர் வைத்தது புரியவரும். ஆனால் படம் துவங்கும் ராவணனின் பெண்ணாசை பற்றிய நாட்டுப்புறக்கூத்திலேயே அதை உணர்த்தியிருப்பார் இயக்குநர்.

3. படத்தின் நாயகியும் நாயகனும் சந்தித்துக்கொள்ளும் காட்சி அவ்வளவு பொயட்டிக். முன் இருக்கையில் குழந்தைத்தனத்துடன் மழை நீரில் விரல்களை வைத்து விளையாடியபடி டிக்கெட் எடுக்க மறந்திருப்பார் நாயகி. பரிசோதகர் வந்துவிடுவார். அப்போது முன்பின் அறியாத அஜித் பின் சீட்டிலிருந்து தன் டிக்கெட்டை கொடுத்துக் காப்பாற்றுவார். செக்கர்கள் அஜித்தை பிடித்து போவார்கள். சுவலட்சுமி விளையாடிவரும் போது வரும் "ஆசை" ஹம்மிங் செமையாக இருக்கும். (தேவாடா)



4. தேவா - உண்மையில் தேவாவின் பாடல் வரிசைகளை கேட்டவர்கள் யாருமே நம்பமுடியாத அளவுக்கு முற்றிலும் வித்தியாசமாக இசை அமைத்திருப்பார்.. படத்தின் 5 பாடல்களும் சூப்பர் டூப்பர் ஹிட். "கொஞ்சநாள் பொறு தலைவா"வும் 'திலோத்தமா'வும் கல்யாணவீடுகளை அலறவிட்டால், மீனம்மாவும்,புல்வெளி புல்வெளி பாடலும் கேபிள் டிவிகளில் தினமும் இரண்டுமுறை ஒளிபரப்பானது. 

5. 143 - 'I Love you' என்கிற வாசகத்தின் எழுத்துக்களின்  எண்ணிக்கைதான் 1-4-3. அன்றைய இளைஞர்கள் 'சைன் தீட்டா காஸ் டீட்டா டேன் தீட்டா' ஆகிய வார்த்தைகளை விட அதிகம் சொன்னது இந்த 1 4 3 யைதான்.

6. இயக்குநரும் நடிகருமான எஸ்.ஜே.சூர்யா இந்த படத்தின் உதவி இயக்குநர். ஒரு காட்சியில் ஆட்டோ ஓட்டுநராகவும் வருவார். ஒரு காட்சி என்றாலும்  அவரின் ஸ்டைல் அப்படியே இருக்கும். இந்தப்படத்தின் படப்பிடிப்பு இடைவேளைகளில் தம்மடிக்க ஒன்றாக ஒதுங்கியதில் தொடங்கிய அஜித் சூர்யாவின் நட்பு பின்னர் 'வாலி' என்கிற மெகா ஹிட் கொடுக்க காரணமாக இருந்தது. 

7.ஜென்டில்மேன்,காதலனுக்குப் பின், ஜீவா ஒளிப்பது செய்த மூன்றாவது தமிழ்ப்படம். ரொமான்டிக் கலர்ஃபுல் காட்சிகளில் ஜீவாவின் கேமரா எப்போதுமே ஸ்பெஷல், படத்தில் வரும் அந்த நாய்க்குட்டி கிஃப்ட் காட்சி எல்லாம், அக்கால காதலர்கள் நிச்சயம் செய்து பார்த்து இருப்பார்கள்.


8. இந்த படத்துக்கு இயக்குநர் வசந்த் முதலில் வைத்த பெயர் 'பூவெல்லாம் கேட்டுப்பார்'.ரொம்ப பொயட்டிக்கான டைட்டிலாக இருக்கிறதே படத்தின் கதை என்ன லவ் ஸ்டோரியா என நிறைய பேர் கேட்கவும் கதைக்கு பொறுத்தமான டைட்டிலான 'ஆசை'யை வைத்திருக்கிறார். 

9. ஆசை படத்தின் மொத்த செலவு 1 கோடி. ஆனால் வசூல் செய்த தொகையோ 5 கோடி. இன்று போல் பெரிய விளம்பரங்கள் ஏதுமில்லாமல் வெளியிடப்பட்டு  ஹிட் அடித்தபடம். இந்த படத்திற்கு பிறகு "தீனா" படம் வரை அஜித் 'ஆசை நாயகன்' என்றே பட்டமிட்டு அழைக்கப்பட்டார்.அதன் பின்னர்தான் தலை 'தல' ஆனார்.

10. மிகச்சில கேரக்டர்களை மட்டும் கொண்டு படத்தை பரபரப்பாக நகர்த்திச்செல்லும் சாமர்த்தியம் தமிழில் வெகு சில இயக்குநர்களுக்கே கைவரும் அதில் வசந்த் அவர்களும் ஒருவர். இதே போன்ற பெண்ணாசையால் அழியும் கதையம்சம் கொண்ட படங்களின் புதிய தொடக்கமாக கடந்த 25 ஆண்டுகளில் 'ஆசையே' இருந்தது என்பதே உண்மை.

11. ஆசை படத்தில் வில்லன் பிரகாஷ்ராஜ். ஆனால், உண்மையில் ஹீரோ அவர்தான். தமிழ் சினிமாவுக்கு புதிய வில்லன் கிடைத்துவிட்டார் என  புகழ்ந்து தள்ளினார்கள் விமர்சகர்கள்.

-வரவனை செந்தில்

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close