Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

"இன்று ஈரான்... நாளை தமிழ்நாடு!"

சில படங்கள் பண்ணும்போதுதான் நமக்குச் சந்தோஷமும், பெருமையும், கர்வமும் வரும். இந்தப் படம் பண்ணும்போது அற்புதமான படம் பண்ணோம்கிற கர்வம் எனக்கு வந்தது. 'ஆதலால் காதல் செய்வீர்’ நிச்சயம் பெரிய அதிர்வலைகளை எழுப்பும்!'' - பிரகாசமாகச் சிரிக்கிறார் இயக்குநர் சுசீந்திரன்.

 ''படத்துல அப்படி என்ன அதிர்ச்சி வெச்சிருக்கீங்க?''

''கல்லூரியில் முதல் வருடம், இரண்டாவது வருடம் படிக்கிற டீனேஜ் பசங்களோட நட்பு, காதல்தான் படம். உண்மைக்கு நெருக்கமாக இல்லை... முழுக்க உண்மையாகவே இருக்கும் படம். இந்தத் தலைமுறை பசங்க காதலை எப்படிப் பார்க்கிறாங்கன்னு பளிச்னு புரிய வைக்கும். எல்லாருக்கும் தெரிஞ்ச உண்மைக் கதை தான். ஆனா, யாரும் முழுசாப் பதிவு பண்ணாத ஒரு கதை!''

''ஒவ்வொரு படமும் ஒவ்வொரு கலர்ல கொடுப்பீங்க... ஆனா, 'ராஜபாட்டை’ தோல்வியால், இளைஞர்களைத் தியேட்டருக்கு வரவைக்கிறதுக்காக இந்த சப்ஜெக்ட்டா?''

''என் மேக்கிங்கில் பெரிய பலமா நான் நினைக்கிறது காமெடியும் எமோஷனும்தான். சினிமா கத்துக்கொடுத்த படிப்பினையில், 'ஆதலால் காதல் செய்வீர்’ படம் எனக்கு 200 சதவிகிதம் நம்பிக்கை கொடுத்துச்சு. மணிரத்னம் சார் நிறையப் படங்கள் பண்ணியிருந்தாலும், 'அஞ்சலி’க்கு ரொம்ப முக்கியமான இடம் இருக்கு. அதே மாதிரி என் கேரியர்ல, 'ஆதலால் காதல் செய்வீர்’ இருக்கும்!''  

''நிறைய புது இளைஞர்களும் வர்றாங்க... உங்களை மாதிரி சீனியர்களும் மெனக்கெடுறீங்க... தமிழ் சினிமாவின் எதிர்காலம் எப்படி இருக்கும்?''    

''நான் கண்கலங்கிப் பார்த்த படம்னா அது ஈரானியப் படமான 'சில்ரன் ஆஃப் ஹெவன்’. குழந்தைகளின் மனசை அந்தப் படத்தில் அவ்வளவு அழகா காட்டி இருப்பாங்க. தன் தங்கச்சி ஆசைப்பட்ட ஷூவைப் பரிசா ஜெயிக்கிறதுக்காக ஓட்டப் பந்தயத்தில் கலந்துக்கிறான் அண்ணன். மூணாவது பரிசுதான் ஷூ. கடைசி நொடி அவசரத்தில் அண்ணன் முதல் ஆளா ஜெயிச்சுடுறான். எல்லாரும் கைதட்டிப் பாராட்டுறாங்க. ஆனா, தங்கச்சிக்கு ஷூ ஜெயிக்க முடியலையேங்கிற கவலையில் அண்ணன் அழறான். உணர்ச்சிகளின் குவியலா... அவ்வளவு ஆழமா என்னைப் பாதிச்ச படம் அது. இப்படியான சம்பவங்கள் நம்மளைச் சுத்தியும் நடக்கும். சென்னை ஜி.ஹெச்சுக்குள் வெளியூர்க்காரர் யாராச்சும் நுழைஞ்சா, எந்த வார்டுக்குப் போகணும், எந்த டாக்டரைப் பார்க்கணும், எப்படித் தன் பிரச்னையைச் சொல்லி மருந்து மாத்திரை வாங்கணும்னு தெரியாது. அதையெல்லாம் தெரிஞ்சுக்கிறதுக்கே ஒரு முழு நாள் ஆகிடும். இந்த வலிகளைப் பதிவு செய்தா, அதுதான் உலக சினிமா. இந்த மாதிரி சினிமா பண்ணாதான் பார்ப்போம்னு மக்கள் எப்பவுமே சொன்னது இல்லை. யார் படமா இருந்தாலும், ரெண்டரை மணி நேரம் இம்ப்ரெஸ் பண்ணணும்னுதான் எதிர்பார்க்கிறாங்க. 'நான் கடவுள்’ மாதிரியான படங்களைப் பார்த்துப் பிரமிக்கிறவங்க, 'ஓ.கே ஓ.கே’ படத்தையும் பார்த்து கலகலனு சிரிச்சு ஹிட் ஆக்குறாங்க. தமிழ் சினிமா நாலஞ்சு வருஷங்கள்ல பெரிய இடத்துக்கு வந்திருக்கு. ஈரான் படங்களைத் தேடிப் பிடிச்சுப் பார்க்கிற மாதிரி, தமிழ்ப் படங்களை உலகம் முழுக்கப் பார்க்கும் காலம் ரொம்பப் பக்கத்தில் வந்திருச்சு!''

க.நாகப்பன்

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close