Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

கொஞ்சம் சமந்தா... கொஞ்சம் நயன்தாரா... பின்னே தனுஷ்!

“இந்தப் படத்துக்கு முதல்ல 'சொட்டவாளக்குட்டி’னுதான் பேர் வெச்சோம். தஞ்சை வட்டார வழக்குல அதுக்கு துறுதுறுனு தீயா திரியிற பையன்னு அர்த்தம் வரும். ஆனா, டெல்டா தவிர, மத்த பெல்ட்காரங்களுக்கு அந்த வார்த்தைக்கு அர்த்தமே புரியலை. அதான் பேரை 'நையாண்டி’னு மாத்திட்டோம். இது முழுக்க முழுக்க தனுஷின் 'நையாண்டி’. முதன்முறையா என் படத்துல ஒரு டூயட்டுக்காக வெளிநாடு போறேன். தனுஷ§க்குனு ஒரு கலர் இருக்குல்ல!'' - கலகலவெனச் சிரிக்கிறார் சற்குணம். 'களவாணி’யில் கவனம் ஈர்த்து 'வாகை சூட வா’-வில் தேசிய விருது கவர்ந்தவர், வாஞ்சையோடு தஞ்சைத் தமிழ் பேசுகிறார்...

''தனுஷ் சற்குணம்... ரெண்டு பேருமே தேசிய விருது ஜெயிச்சவங்க. என்ன எதிர்பார்க்கலாம் இந்தக் கூட்டணியிடம்?''

''என்டர்டெயின்மென்ட்! கும்பகோணத்துல குத்துவிளக்குக் கடை வெச்சிருக்கிற குடும்பத்துப் பையன், சின்னவண்டு. பல் டாக்டருக்குப் படிக்கிற பொண்ணு, வனரோஜா. இவங்களுக்கு நடுவுல வர்ற காதல்தான் படம். அந்தக் காதலைக் காமெடியா மட்டுமே சொல்றோம். சும்மா பேசிட்டு இருக்கிறப்போ, 'களவாணி’, 'வாகை சூட வா’ ரெண்டுமே தனுஷ§க்குப் பொருத்தமா இருக்கும்னு என் அசிஸ்டென்ட்ஸ் சொல்வாங்க. 'அட... ஆமால்ல’னு எனக்கும் தோணுச்சு. அப்புறம் தனுஷ் சாருக்காகவே ஒரு படம் பண்ணலாம்னு, அவர்கிட்ட கதை சொன்னேன். உடனே, ஸ்க்ரிப்ட் கொடுங்கனு கேட்டார். ஷூட்டிங் வரும்போது அந்த ஸ்க்ரிப்ட்டை மூணு தடவை படிச் சுட்டேன்னு சொன்னார். எப்பவும் அவர் கையில ஸ்க்ரிப்ட் ஒரு காப்பி இருக்கும். அடுத்த நாள் எந்த சீன், என்ன ஷாட்னு கேட்டுக் கிட்டு செமத்தியா ஹோம் வொர்க் பண்ணிட்டுத்தான் வர்றார்.  

50 நாள்ல படத்தை முடிக்கணும்னு திட்டம் போட்டுத்தான் ஆரம்பிச்சேன். தனுஷ§ம் கேமராமேன் வேல்ராஜும் செம ஸ்பீடா வேலை பார்த்துக் கொடுத்ததுல, அதைச் சாதிச்சுட்டோம். 'இந்த மாதிரிப் படம் எடுத்தா, நான் வருஷத்துக்கு அஞ்சு படம் பண்ணுவேன்’னு தனுஷே ஆச்சர்யப் பட்டார்!''

'' 'வாகை சூட வா’-ல ஒரு கிளாஸிக் ஃபீல் இருந்துச்சு. ஆனா, இனி நீங்களும் கமர்ஷியல் சவாரி மட்டும்தான் பண்ணுவீங்களா?''

'' 'வாகை சூட வா’ மாதிரி நிறையப் படங்கள் பண்ண ஆசைதான். ஆனா, அப்படியான படங்கள் பண்ணணும்னா, நாம முதல்ல இங்கே நிலைச்சு நிக்கணும். அதுக்காகச் சில படங்கள் என்டர்டெயினரா பண்ண வேண்டியிருக்கு. தனியாளா நடு ரோட்ல நின்னு புரட்சி பண்ண முடியாதுங்கிற மாதிரிதான். 'களவாணி’ இல்லைன்னா 'வாகை சூட வா’ இல்லை. அதுக்காக 'களவாணி, நையாண்டி’ எல்லாம் நல்ல படங்கள் இல்லைனு சொல்ல முடியாது. இதுலயும் மெசேஜ் இருக்கும். ஆனா, பொழுதுபோக்குக்கு இடையில்தான் அது வரும். 'இவன் இது மாதிரிதான் எடுப்பான்’னு எந்த வட்டத்துக்குள்ளயும் சிக்கிக்க நான் விரும்பலை!''

'' 'வாகை சூட வா’வுக்கு அப்புறம் ஏன் இவ்ளோ பெரிய இடைவெளி?''

''எல்லா ஹீரோக்கள் கையிலும் எப்பவும் நாலஞ்சு படங்கள் இருக்கே. நான் தனுஷ் சார்கிட்ட கால்ஷீட் கேட்டப்ப, அவர் செம பிஸி. கதை அவருக்குப் பிடிச்சுப் போய்ட்டதால கால்ஷீட்டை உறுதிப்படுத்திட்டு வந்து நடிச்சுக்கொடுத்தார். ஹீரோயின் நஸ்ரியா, பரீட்சை முடிச்சுட்டு வர கொஞ்சம் லேட் ஆகிடுச்சு. நான் அவங்களை முதல்முறை பார்த்தப்ப, தமிழ்ல ஒரு படம்தான் புக் ஆகியிருந்தாங்க. ஆனா, இப்போ தமிழ்நாட்டுல அதுக்குள்ள அவங்களுக்கு ஏகப்பட்ட ஃபேன் க்ளப்ஸ். சமந்தா, நயன்தாரா கலந்து செஞ்ச பொண்ணு மாதிரி இருக்காங்க. இந்தப் பொண்ணு எங்கேயோ போகப்போகுதுனு நினைச்சேன். அதே மாதிரி நடந்துடுச்சு. ரசிகர்களுக்கு அறிமுகமான ஒரு ஹீரோ, ஹீரோயினை வெச்சுப் படம் பண்ண கொஞ்சம் காத்திருக்கத்தான் வேணும்!''

க.ராஜீவ் காந்தி

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close