Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

“எனக்கு நானே ஒரு கிஃப்ட்!” - அப்சரா ரெட்டி

ஜய் ரெட்டியாக மீடியா உலகுக்கு அறிமுகம் ஆனவர், இப்போது அப்சரா ரெட்டியாக மாறியிருக்கிறார். திருநங்கையான அப்சரா ரெட்டி... இரண்டு ஆங்கிலப் பத்திரிகைகளின் சென்னைப் பதிப்பின் இணைப்பு இதழ்களுக்கு ஆசிரியராக இருந்தவர். தமிழ்த் திரை நட்சத்திரங்களுக்கு நெருக்கமான தோழி. இப்போது தந்தி டி.வி -யில் 'நட்புடன் அப்சரா’ என்னும் நிகழ்ச்சியை வழங்குகிறார்.

''நான் பிறந்தது, வளர்ந்தது எல்லாமே சென்னைதான். ப்ளஸ் டூ வரைக்கும் சிஷ்யா பள்ளியில் படிச்சேன். அதன் பிறகு, லண்டன் பல்கலைக்கழகத்தில் ஜர்னலிசம் படிச்சேன். எனக்குள் இருந்த பெண்மையை அதிகமா உணர ஆரம்பிச்சதால், இப்போ முழுப் பெண்ணாகவே மாறிட்டேன். திருநங்கையாக இருந்தால், எல்லோரும் தள்ளிவைப்பாங்கனு சொல்வாங்க. ஆனால், என் வாழ்க்கையில் நான் அப்படி மோசமான சம்பவங்கள் எதையும் சந்திச்சது இல்லை. எங்க அப்பா, அம்மா எனக்கு எப்பவுமே ரொம்ப சப்போர்ட். 'எங்களுக்கு இது புரியாம இருக்கலாம். ஆனா, உனக்கு என்ன பிடிச்சிருக்கோ... அதைப் பண்ணு’னு சொல்லிட்டாங்க!''

''ஒரு திருநங்கையாக இருந்து மீடியா உலகில் வளைய வருவதை எப்படி உணர்கிறீர்கள்?''

''திருநங்கைன்னா உடனே ஒரு இயக்கம் ஆரம்பிச்சு, உரிமைகளுக்காகப் போராடணும்னு எதிர்பார்க்கிறாங்க. திருநங்கைகளும் இந்தச் சமுதாயத்தின் ஓர் அங்கம்தான். நான் எல்லா ஆண், பெண் போலவும் நல்லாப் படிச்சேன். நல்ல வேலை கிடைச்சது. நல்லா சம்பாதிக்கிறேன். லண்டனில் இருந்தபோது ஸ்காட்லாண்ட் யார்டு, காமென்வெல்த் செகரெட்டேரியட்ல வேலை செஞ்சிருக்கேன். இப்போ சென்னையில் இந்தியன் எக்ஸ்பிரஸ், டெக்கான் கிரானிக்கல்னு இரண்டு பெரிய செய்தித்தாள்களின் சென்னை எடிஷனில் ஆசிரியராக வேலை பார்த்திருக்கேன். திருநங்கை என்பதால், என்னை யாரும் ஒதுக்கிவெச்சது கிடையாது. ஷாப்பிங் போகும்போது நிறையப் பேர் என்னைப் பார்த்து 'நீங்க ரொம்ப அழகாக இருக்கீங்க. உங்ககூட ஒரு போட்டோ எடுத்துக்கலாமா?’னு கேட்பாங்க. அதை நான் ஒரு கிஃப்ட்டாத்தான் பார்க்கிறேன்!''

''சிம்பு, தனுஷ், த்ரிஷானு நிறையப் பேர் உங்க ஃப்ரெண்ட் லிஸ்ட்ல இருக்காங்களே?''

 

''ஆமா... என்னுடைய உணர்வுகளைச் சரியாப் புரிஞ்சுக்கிட்டவங்க. ஒரு நாள் சிம்புகூட வெளியே போயிருக்கும்போது, நிறைய ரசிகர்கள் போட்டோ எடுக்க வந்தாங்க. எனக்குக் கொஞ்சம் கூச்சமா இருந்தது. 'நீ எதுக்கு ஒதுங்கி நிக்குறே. தப்பாப் புரிஞ்சுக்கிறவங்க, தப்பாத்தான் புரிஞ்சுக்குவாங்க. அதையெல்லாம் கண்டுக்காதே’னு அட்வைஸ் பண்ணினார். தனுஷ், த்ரிஷா, நமீதானு எல்லோருமே எனக்கு நல்ல நண்பர்கள்!''

''யார் உங்களுடைய இன்ஸ்பிரேஷன்?''

''ஜெயலலிதா ரொம்பப் பிடிக்கும். ரொம்ப ஸ்ட்ராங்கான, போல்டான பெண்மணி. எனக்கும் அரசியல் ஆசை உண்டு. இன்னும் ரெண்டு, மூணு வருஷத்தில் தீவிர அரசியலில் இறங்குவேன்!''

'' 'நட்புடன் அப்சரா’ நிகழ்ச்சியில் என்ன ஸ்பெஷல்?''

''பிரபலங்கள் வெளியில் எங்கேயும் பேசாத விஷயங்களை, இந்த நிகழ்ச்சியில் பேசுவாங்க. இதை இதயத்தோட பேசுற நிகழ்ச்சினு சொல்லலாம். சிம்பு, தனுஷ், அமலா பால், சிம்ரன், நமீதானு நிறையப் பேர் மனசுவிட்டுப் பேசியிருக்காங்க. சிம்பு 'நான் ஏன் சினிமாவை விட்டுப் போகணும்னு ஆசைப்படுறேன்?’னு பேசியிருக்கார். சிம்ரன் அவங்க கணவர் மேல இருக்கிற சந்தேகம் பத்திப் பேசியிருக்கார். அனிருத், தன்னைவிட வயசுல மூத்தவங்களை ஏன் லவ் பண்ணக் கூடாதுனு பேசியிருக்கிறார். ஹீரோயினா புக் பண்ணிட்டு அப்புறம் எப்படி அயிட்டம் கேர்ளா மாத்தினாங்கனு நமீதா வெளிப்படையாப் பேசியிருக்காங்க. வரப்போற இந்த நிகழ்ச்சி நிச்சயம் எல்லோருக்கும் பிடிக்கும்!''

- சார்லஸ்

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close