Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

உங்க யூத் பேஸ்ட்ல வம்பு இருக்கா?

வித்தியாசம், விவகாரம்... இரண்டும் பார்த்திபனுக்கு இரு விழிகள்! 'எடக்கு மடக்கு வசனம் வேண்டாம். எதுகை-மோனை கவிதை பாணியில் கேள்விகளுக்குப் பதில் சொல்ல வேண்டும்!’ என்று அவருக்கு சவால் வைத்தோம்.

''அமைச்சரவை மாற்றங்கள்?''

''மாறுதல் ஒன்றுதான்
மாறாதது...
ஆறுதல்,
கவர்னர் இன்னும்
மாறாதது!''

''கோபாலபுரம் - தைலாபுரம்?''

''புறம் பேசாமை
நன்று!''

''2ஜி - 3ஜி?''

''எப்படிப் பார்த்தாலும்
'செல்’தான்!''

''கமலின் 'இதழ்’ வாரிசு... ஆர்யா, சிம்பு, அனிருத்?

''மன்னருக்கே 'வாய்’ப்பு
இன்னும் பிரகாசம்...
வாரிசுக்கு என்ன
அவசரம்?

அவர் உதடுவிட்டு இறங்கட்டும், ஸாரி...
பதவிவிட்டு இறங்கட்டும்
பிறகு பார்க்கலாம்!''

''சிம்பு - ஹன்சிகா..?''

''இரண்டு பெயர்களுக்கும்
இடையில் உள்ள -
ampersand logogramஐ
நோக்க நோக்க - அது
ஆதாம் ஏவாள் கடித்த
ஆப்பிளின் எச்சம்
போன்றே தோன்றுகிறது.

apple is symbol of love
simbu as ample of love !’

''நடிகர் சங்கப் பஞ்சாயத்துகள்?''

''இடிந்த பின்னும்
இடித்துக்கொண்டிருக்கிறார்கள்!
புதிதாக மார்க்கெட்டுக்கு வந்திருக்கும்
யூத் பேஸ்ட்டை கொண்டு
பூசி, ஜாயின்ட்டுகளை சரிசெய்து
கட்டடம் உயர்ந்தால் சரி!''

''உகாண்டாவில் பார்த்திபன்...''

''அங்கு நானே
வெள்ளைக்காரன்!
ஆலை இல்லாத ஊருக்கு
இலுப்பைப் பூதானே சர்க்கரை?''

''பெல்லி டான்ஸர் - சிக்ஸ் பேக் ஹீரோ..?''

''ஒண்ணு குட்டை,
இன்னொண்ணு மட்டை
ஆக, எல்லாம் ஒரே குட்டையில ஊறுன மட்டைதான்!''

''சமந்தா - சித்தார்த்...?''

''சமத்து
சமந்தா
இடைப்பட்டதால்,
புத்தன்
மீண்டும்
சித்தார்த்தன் ஆனான்!''

''நயன்தாரா..?''

''கிதாரா
சிதாரா
புல்புல்தாரா
இசைத்தால்தான்...
நயன்தாரா
இசைந்தாலே...''

''அம்மா குடிநீர்..?''

''தாயைப் பழித்தாலும்
தண்ணீரைப் பழிக்காதே - பழமொழி!
'குடி’க்கான நீராய் மிக்ஸ்
ஆகாத வரையில்
மகிழ்ச்சியே - மனைவி மொழி!''

''குஷ்பு..?''

''அழகால் கட்டிய ஆலயம் - இன்று
அறிவாலய வாசலை அலங்கரிக்கும்
கறுப்பு - 'சிவப்பு’ தோரணம்!''

- க.நாகப்பன். படங்கள்: ஆ.முத்துக்குமார்

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close