Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

“இது எல்லோருக்குமான காதல்!”

'சுந்தரபாண்டியன்’ தந்த உற்சாகத்தில் அடுத்ததாக 'இது கதிர்வேலன் காதல்’ படத்தை உதயநிதி - நயன்தாரா காம்பினேஷனில் எடுத்து முடித்துவிட்டார் பிரபாகரன். உதயநிதியின் ரெட் ஜெயன்ட் மூவிஸ் நிறுவனத்துக்கே அடுத்த படம் இயக்குவதால் படுஉற்சாகமாகப் பேச ஆரம்பிக்கிறார் பிரபாகரன்.  

'' 'சுந்தரபாண்டியன்’ ஒரு சாதிக்கு ஆதரவாக எடுக்கப்பட்ட படம்னு எழுந்த விமர்சனங்களை எப்படி எடுத்துக்கிட்டீங்க?''

''படம் பண்ணணும்னு முடிவானதும் 'நாம பார்த்த, ரசிச்ச விஷயங்களை எடுக்கணும்’னு ஆசை வந்துச்சு. என் சொந்த ஊர் மதுரை அழகர்கோவில் பக்கத்துல ஒரு கிராமம். தேனி வழியாப் பயணம் செஞ்சு கம்பத்தில் படிச்சேன். அப்படி ஒருநாள் பயணத்தில்தான் சுந்தரபாண்டியனுக்கான கதைக் கரு கிடைச்சது. பொதுவா உசிலம்பட்டின்னா, பெண் சிசுக் கொலைதான் ஞாபகத்துக்கு வரும். உசிலம்பட்டி யோட இன்னொரு முகம், அதிகம் வெளியில் தெரியாது. அதுதான் 'சுந்தரபாண்டியன்’. என் முதல் படத்தில் குறைகளோ, பிழைகளோ இருக் கலாம். கௌரவக் கொலைகளை அடையாளப் படுத்தவோ, அவற்றைப் பற்றி விமர்சனம் பண் ணவோ, நான் படம் எடுக்கலை. இதெல்லாம் இங்கே நடக்குதுனு சுட்டிக்காட்டினேன். அவ்வளவுதான்!''

''உதயநிதி காம்பினேஷன் எப்படி அமைஞ்சது?''

''படம் பார்த்துட்டு அடுத்த கதை எதுவும் ரெடி பண்ணிவெச்சிருக்கீங்களானு கேட்டார். படம் தயாரிக்கப்போறார்னு நினைச்சு அவர் கிட்ட, 'கதிர்வேலன் காதல்’ படத்தோட கதை யைச் சொன்னேன். கதையைக் கேட்டுட்டு இந்த ஹீரோ கேரக்டரை நானே பண்றேன்னு சொல் லிட்டார். எனக்கு செம சர்ப்ரைஸா இருந்துச்சு. ஒரு பெரிய குடும்பத்தில் இருந்து வந்திருக்கார். 'ஓ.கே... ஓ.கே’னு பெரிய ஹிட் கொடுத்துருக்கார். அவரோட அடுத்த படம் பண்றதுங்கிறது உண்மையிலேயே பெரிய வேலை. பெரிய பொறுப்பு. சந்தோஷமா ஏத்துக்கிட்டேன்!''  

''கதிர்வேலனோட  காதல் எப்படி இருக்கும்?''

''அஞ்சு வயசுப் பையன்... சின்ன வயசுல இருந்தே ஆஞ்சநேய பக்தனா இருக்கான். அவன் இளைஞனான பிறகு சந்திக்கிற ஒரு பொண்ணு, அவனைத் தலைகீழாப் புரட்டிப் போடுறா. அவனோட தடுமாற்றங்கள்தான் படம். 'ஓ.கே... ஓ.கே’ காமெடி, 'சுந்தர பாண்டியன்’ ஃபேமிலி பேக்கேஜ். ரெண்டும் இந்தப் படத்தில் சரி பாதி இருக்கும். எல்லாமே புது சீன்களாப் பண்ணிருக்கோம். நிச்சயம் இது எல்லாருக்குமான காதலா இருக்கும்!''

''ஓ.கே... ஓ.கே. பார்க்கும்போது உதயநிதி இன்னும் கொஞ்சம் நடிச்சிருக்கலாம்கிற மாதிரிதானே தோணுச்சு?''

''அந்தக் குறை இந்தப் படத்தில் இருக்காது. முதல் படப் பதற்றம் இப்போ அவரிடம் இல்லை.  நடிப்பு, ஆக்ஷன், டான்ஸ், ரொமான்ஸ் எல்லாத்தையும் அழகாப் பண்றார். சுருக்கமா சொல்லணும்னா 'இது அவரோட ரெண்டாவது படம்’னு சொல்ல முடியாது. யார்கிட்டேஹோம் வொர்க் பண்றார்னு தெரியலை, ஒவ்வொரு நாளும் நடிப்பில் நல்ல இம்ப்ரூவ்மென்ட் தெரியுது!''

''நயன்தாரா?''

''அவங்ககிட்ட ஒரு மணி நேரம் கதையைச் சொல்லிட்டு வீட்டுக்கு வந்துட்டேன். உடனே அவங்க உதயநிதி சாருக்கு போன் போட்டு, 'இந்தப் படத்தை கண்டிப்பா நான் பண்றேன். சம்பளம் அப்புறம் பேசிக்கலாம்!’னு சொல்லியிருக்காங்க. அந்த அளவுக்குக் கதையும் கேரக்டரும் அவங்களுக்குப் பிடிச்சுப்போச்சு. அவங்களுக்கு சினிமா மேல உள்ள காதல் இன்னும் அதிகமாகிருக்குனு நினைக்கிறேன். இந்தப் படம் வந்த பிறகு, ரசிகர்கள் நயன்தாராவை இன்னும் அதிகமாக் கொண்டாடுவாங்க!''

- க.நாகப்பன்

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close