Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

”கிளாமர் பண்ணமாட்டேன்”

'நாடோடிகள்’ படத்தில் ஜிங்கு ஜிங்கு என்று குத்தாட்டம் ஆடியதில் தமிழ் ரசிகர்கள் மனதில் பெரிய பள்ளத்தையே ஏற்படுத்தியவர் நாகு. அவரைச் சந்தித்தபோது...

 

''குத்துப்பாடல்களில் மட்டும் கவனம் செலுத்திக்கொண்டிருந்த நீங்கள் இப்போது நடிக்கிறீங்களாமே?''

''ஆமாம். உதயநிதி ஸ்டாலின், சந்தானம் நடிக்கும் 'நண்பேன்டா’ படத்தில் காமெடி ரோல்ல நடிக்கிறேன். செம ஹேப்பியா இருக்கேன்.''

''டான்ஸர்னா ஒல்லியா இருப்பாங்க... நீங்க எப்படி இப்படி?''

''சோலோ பர்ஃபாமென்ஸுக்கு முன்னாடி குரூப் டான்ஸ்தான் ஆடிட்டு இருந்தேன். டயட்ல எனக்கு நம்பிக்கை இல்லை. அதனால இந்த உடல்வாகு.''

'' 'நாடோடிகள்’ சான்ஸ் எப்படி கிடைச்சது?''

''குரூப் டான்ஸ் ஆடப் போயிருந்தபோது டான்ஸ் மாஸ்டர் தினேஷ் மாஸ்டர்கிட்ட டைரக்டர் சமுத்திரகனி சார், ஒரு குத்துப்பாட்டு இருக்கு. இந்தப் பொண்ணு ஆடினா நல்லாருக்கும்னு சொல்லியிருக்கார். தினேஷ் மாஸ்டர் என்னை அந்தப் பாட்டுக்கு ஆடச் சொன்னார். நான் ரொம்பத் தயங்கினேன். தினேஷ் மாஸ்டர்தான் தைரியம் கொடுத்து ஆடச் சொன்னார்.''

''தமிழைத் தவிர வேற மொழிகளில் சான்ஸ் வருகிறதா?''

''கிளாமர் பண்ண மாட்டேன் என்கிறதால வேற மொழிப் படங்களில் கமிட் பண்ணிக்கிறதில்ல. தெலுங்கு வாய்ப்பு நிறைய வருது. நான்தான் தவிர்த்துட்டுவர்றேன். குரூப் டான்ஸராக இருக்கும்போதும் கொஞ்சம் கிளாமரான டிரெஸ் போட்டு ஆடியிருப்பேன். ஆனா, சேலை கட்டி ஆடி ஹிட்டான பிறகு தமிழில் வரும் சான்ஸே போதும்.''

''ஒரு நல்ல பாட்டு, கஷ்டப்பட்டு ஆடியிருப்பீங்க... ஆனா படம் வராமலோ பெரிய ஹிட்டாகாமலோ போயிட்டா எப்படி இருக்கும் உங்க ஃபீலிங்?''

'' நான் நடிக்கிற எல்லாப் படமுமே நல்லா ஓடணும்னுதான் வேண்டிக்குவேன். உதாரணத்துக்கு 'சுண்டாட்டம்’ படத்தில் கஷ்டப்பட்டு ஆடினேன். ஆனா படம் ஆவரேஜாத்தான் போச்சு. அது மாதிரி ஆயிடுச்சுனாதான் மனசுக்குக் கவலையா இருக்கும்.''

''குத்துப்பாட்டுக்கு ஆடுறதை வீட்ல எப்படி எடுத்துக்கிறாங்க?''

''அப்பாவும் காஸ்ட்யூம் டிஸைனரா சினிஃபீல்டுல இருக்கிறவர்தான். நான் கிளாமரா ஆடுறதில்லைங்கிறதால பெரிய பிரச்னை இல்லை. சேலை கட்டி கிளாமர் இல்லாம ஆடுறதுனா கமிட் பண்ணிக்கோனு சொல்லிட்டார்.''

''யாரையோ லவ் பண்றீங்கனு நியூஸ் கிளம்பிச்சே?''

''இதெல்லாம் ரொம்ப டூமச். ஏதோ இப்பதான்  நடிக்கிற சான்ஸ் கிடைச்சிருக்கு. அது யாருக்கோ பொறுக்கலை. வதந்தியைக் கிளப்பிவிட்டுட்டாங்க. இன்னும் ரெண்டு வருஷம் ஒன்லி சினிமாதான். உண்மையைச் சொல்லணும்னா காதல், கல்யாணம் பத்தியெல்லாம் யோசிக்கக்கூட நேரமில்லை அண்ணா!''

என்னது... அண்ணாவா!

- செந்தில்குமார்

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close