Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

கிசுகிசு வரத்தானே செய்யும்!

'அரிமா நம்பி’ வெற்றியில் குஷியாக இருக்கும் ப்ரியா ஆனந்த் தமிழில் கணிசமான படங்கள் கைவசம் வைத்துள்ள கதாநாயகிகளில் ஒருவர். 'வை ராஜா வை’ , 'இரும்புக் குதிரை’, 'ஒரு ஊருல ரெண்டு ராஜா’ என்று அடுத்தடுத்து ரிலீஸ் தேதியை எதிர்நோக்கிக்கொண்டிருப்பவரிடம் பேசினேன்.

 

''சினிமாவில் உங்க லட்சியம் என்ன?''

''வேறென்ன, நிறைய ஹிட் படங்கள் கொடுக்கணும்கிறதுதான். ஆனா அது நம்ம கையில இல்லையே. கதை கேட்கும்போது பிடிச்சு, ஒரு படத்தை ஒத்துக்கிறோம். அப்புறம் அது எடுக்கப்படும் விதம், வெளியாகும் நேரம், ரசிகர்களின் ரெஸ்பான்ஸ் இதையெல்லாம் வெச்சுதான் வெற்றி தோல்வி முடிவாகுது. நல்லா நடிச்சுக் கொடுக்கணும். நம்மால அதுதானே முடியும்.''

''சினிமா உலகில் பெஸ்ட் ஃப்ரெண்ட்?''

'' 'கண்ணா லட்டு திங்க ஆசையா’ படத்துல ஹீரோயினா நடிச்ச விசாகா. 'சுப்க்ரே’ என்ற இந்திப் படத்துல நடிக்கும்போது பழக்கம். நான் கேட்டுக்கிட்டதுக்காக என் கூட ஒரு படத்துல சேர்ந்து நடிக்கிறாங்க. ரொம்ப ஃப்ரெண்ட்லி.''

''உங்களுக்கு ரொம்ப ஃப்ரெண்ட்லியான ஹீரோ யார்?''

''நிஜமாவே சொல்றேன். நான் நடிச்ச, நடிக்கிற எல்லா ஹீரோவுமே என்கிட்ட ஃப்ரெண்ட்லியாதான் இருந்தாங்க, இருக்காங்க. யாருமே ஈகோ பார்க்கல. உதவியா இருந்தாங்க. நான் அவங்க கிட்ட நிறைய கத்துக்கிட் டேன்.''

''நடிச்ச கேரக்டர்ல ரொம்பப் புடிச்சது?''

'' 'வணக்கம் சென்னை’ படத்துல இயக்குநர் கிருத்திகா உதயநிதி கொடுத்த ஹீரோயின் கேரக்டர்தான். அதுக்காக அவங்களுக்கு நான் ஸ்பெஷலா நன்றி சொல்லணும். அந்தக் கதையே என் கேரக்டரோட கோணத்தில்தான் சொல்லப்பட்டு இருக்கும். தவிர அனிருத் மியூஸிக், ரிச்சர்டு நாதன் கேமரா எல்லாம் சூப்பரா இருக்கும்.''

''எந்த மொழியில் டயலாக் பேசுறது உங்களுக்குப் பிடிச்சு இருக்கு?''

''தெலுங்குதான். இத்தனைக்கும் என் அம்மா தமிழ்தான். ஆக்சுவலா 'லீடர்’ படத்துல நடிக்கும்போதுதான் தெலுங்கே எனக்கு அறிமுகம்.

கத்துக்கிட்டு அப்புறம் நல்லா பேச ஆரம்பிச்சுட்டேன்.''

''ரொம்ப ரசிக்கும் ஹாலிடே ஸ்பாட்?''

''அமெரிக்காவில் அப்ஸ்டேட் நியூயார்க்கில் என் அப்பா அம்மா எல்லோரும் இருக்கும் எங்க வீடுதான். ஆனா அங்கே போகத்தான் நேரமே கிடைக்கலை. ரொம்ப ஏக்கமா இருக்கு.''

''அடிக்கடி வரும் கனவு?''

''தினமும் அஞ்சு மணி நேரம் தூங்கினாலே பெருசு. அதுல கனவு. நோ சான்ஸ்.''

''எதுக்கு யோசிக்காம செலவு பண்ணுவீங்க?''

''சாப்பாடு! டிரெஸ் பிடிச்சுப்போச்சுனா விலையைப் பத்திக் கவலைப்படவே மாட்டேன். இது நல்ல பழக்கம்தானே?''

''சாப்பிடப் பிடிச்சது எது? சமைக்கப் பிடிச்சது எது?''

''சாப்பிடப் பிடிச்சது பிரியாணி. சமைக்கப் பிடிச்சது கேக்.''

''உங்களைப் பத்தி நிறைய கிசுகிசு வருதே?''

''நிறையப் படங்கள் பண்றேன். அப்புறம் வரத்தானே செய்யும்!''

விவரம்தான்!

- சு.செ.குமரன்

 

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close