Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

''அழகான ஹீரோயின் கூட டூயட் பாடணும்'' கனா காணும் பாண்டி!

ஜ்ரம்’ திரைப்படம் ரிலீஸ் ஆகப் போகும் உற்சாகத்தில் இருக்கிறார் பாண்டி. ‘பசங்க’, ‘மெரினா’, ‘கோலிசோடா’ படங்களில், நான்கு பையன்களில் ஒருவனாக நடித்தவர் தான் இந்த ‘பாண்டிப் பய’! ‘வஜ்ரம்’ புரமோஷனுக்காக புது பேன்ட்,சட்டை எடுக்க கடைக்கு வந்திருந்தவரை அங்கேயே மடக்கிப் பிடித்தோம்!

‘‘அய்யோ சிக்கிட்டேனா..? அப்ப நானே பேச ஆரம்பிச்சுடுறேன். புதுக்கோட்டை தாங்க நமக்கு சொந்த ஊரு. அங்கதான் பிளஸ் டூ படிக்குறேன். அப்புடி இப்புடின்னு பிளஸ் டூ வரைக்கும் வந்தாச்சு. ஆனா பாஸ் பண்ணிடுவேனான்னு டவுட்டாதான் இருக்கு. எங்க அப்பா, அம்மாவுக்காகவாச்சும் பாஸ் ஆயிடணும்.

சினிமாவுல நடிக்க ஆரம்பிச்சதுக்கு அப்புறம், ஸ்கூல் பக்கம் எப்பவாச்சும் தான் போவேன். நீங்கதான் என்னைப் பேட்டி எல்லாம் எடுக்குறீங்க. ஆனா ஊருக்குள்ள நான் இப்பவும் பாண்டிதான். அதுவும் எங்க வாத்தியாரு, கிளாஸுக்கு லேட்டா போனா,‘வெளிய போடா’னு துரத்திவிட்டுருவாரு. படிப்புல நான் இம்புட்டு மோசமா இருந்தாலும், இப்போ ரிலீஸாகப் போற ‘வஜ்ரம்’படத்தோட மெசேஜ், படிப்பு தான்.

முழுக்க முழுக்க படிப்போடமுக்கியத்துவத்தைப் பேசுற படம்!’’ என்ற பாண்டி, ஒரு ஹிந்தி படத்தில் ராணி
முகர்ஜியோடு நடித்துள்ளார்.‘‘ ‘இந்தியா பாகிஸ்தான்’, ‘கமர்கட்டு’ன்னு தொடர்ந்து நான் நடிச்ச படங்கள் வரப் போகுது.

‘கோலிசோடா’வுல நடிச்ச ‘பசங்க’ டீம் இன்னும் நிறையப் படங்களிலும் டீமாவே நடிக்குறோம். ஆபீஸ் பாய், கேன்டீன் பாய், ஸ்கூல் பாயா நடிசிட்டு இருந்த எனக்கு, இப்ப ‘கமர்கட்டு’ல காலேஜ் பாய் புரமோஷன்.

அப்புறம்... ஹிந்தியில ராணிமுகர்ஜியோட ‘அய்யா’னு ஒரு ஹிந்திப் படத்துல நடிச்சேன். அவங்ககிட்ட நிறைய பேசணும்னு தோணும். ஆனா நமக்கு ஹிந்தி தெரியாதே? அவங்களோட அசிஸ்டென்ட்டு அண்ணன்கிட்ட சொல்லி ஹெல்ப் கேட்டா, அவர் நம்மளை மேலயும் கீழயும் பாப்பாரு. அமைதியாயிடுவேன். ஆனா ஹிந்தி கத்துக்கிட்டு, ‘நான் உங்க ஃபேன் மேடம்’னு அவங்ககிட்ட போய் சத்தமா சொல்லணும். ’துமாரா நாம் கியா ஹை?’ ஹிந்தி நல்லா பேசுறேனே..!’’ என்று கலகலவெனச் சிரித்த பாண்டி, இயக்குனர் பெருமக்களுக்கு ஒரு வேண்டுகோள் வைக்கிறார்.


‘‘இப்போ நான் காலேஜ் பையன் அளவுக்கு வளர்ந்துட்டேன். அதனால,எனக்கும் ஒரு டூயட் சாங் எல்லாம் கொடுக்கலாம்ல. அழகான ஹீரோயின் கூட டூயட் பாடணும்னு எனக்கும் கனவு இருக்கும்தானே ?!’’


-பொன்.விமலா-

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close