Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

எம்.ஜி.ஆர் காலத்துலேருந்து நடிக்கிறேன் - ’நானும் ரவுடிதான்’ ராகுல்தாத்தாவின் உருக்கமான கதை!

நானும் ரவுடிதான் படத்தைப் பார்த்த அனைவருக்கும் விஜய் சேதுபதி, நயன்தாரா இவர்களைத் தாண்டி மனதில் நின்ற கதாபாத்திரம் ராகுல் தாத்தாவாகத்தான் இருக்கும்,. அவரின் வீரமான பேச்சும், கண நேரத்தில் தப்பித்து நயன்தாராவுக்கு லொகேஷன் அனுப்புவதுமாக அவர் வரும் காட்சிகளை,மெய் மறந்து கை தட்டி சிரித்து விசில் அடிப்பார்கள்.

படம் வெளியான பின், பல போன் கால்கள், வாழ்த்துகளுக்கு இடையில் கொஞ்சம் டைம் கிடைக்குமா என்ற போது சொல்லுங்க நான் அந்த காலத்து ஆளு என ஆரம்பித்தார்.

எத்தனை வருஷமா சினிமாவுல இருக்கீங்க! 

48 வருஷத்துக்கு மேல இருக்கேன். எம்.ஜி.ஆர், சிவாஜி, ஜெமினி கணேசன், ரவிச்சந்திரன், ரஜினி, கமல், இப்படி எல்லார் கூடவும் நடிச்சிருக்கேன். இப்போ வயசு 74 தான் ஆச்சு. நான் இப்பவும் யூத். வெச்சேன்ல கைதட்ட என பெருமிதமாகப் பேசுகிறார் ராகுல் தாத்தா.

உங்க பெயர், சொந்த ஊரு பத்தி சொல்லுங்களேன்.

எனக்கு ரெண்டு பேரு இருக்குங்க. தனபால், அந்தப் பேருல கொஞ்சம் ராசி இல்லைன்னு ஜோசியர் கிட்ட கேட்டு உதய பாலன்னு பேர மாத்திக்கிட்டேன். எனக்கு கடவுள் பக்தி ஜாஸ்தி. எல்லா கடவுள்களையும் பாரபட்சம், ஜாதி பார்க்காம கும்பிடுவேன். சொந்த ஊரு  நாகபட்டினம். பாட்டு எழுதணும், நடிக்கணும், சினிமாவுல பெரிசா சாதிக்கணும்னு வந்தேன். வந்தவுடனே பாண்டிபஜார் கீதா ஹோட்டல்ல வேலைக்குச் சேர்ந்தேன். என்ன வேலைக்குச் சேர்க்கறதுக்கு முன்னாடி அந்த ஹோட்டல் முதலாளி சாப்பிடச் சொன்னாரு இன்னும் எனக்கு அது ஞாபகம் இருக்கு. அந்த ஹோட்டல்ல எல்லா வேலையும் பார்த்தேன். கூடவே அந்த ஹோட்டலுக்கு கீழ ஒரு நாடகக் கம்பெனி இருந்துச்சு. அவங்க கூட நிறைய நாடகங்கள்ல நடிச்சேன். அப்பறம் எம்.ஜி.ஆர் ஆபீஸ்ல வேலை செஞ்சிகிட்டு இருந்தேன். கேட்டரிங் வேலை அங்கயும் சமையல். என்னப் பார்த்த எம்.ஜி.ஆர் தான், நீ நல்லா நடிக்கிறடா . வாயேன் நடிக்கலாம்னு அவருதான் எனக்கு சின்னச் சின்னக் கேரக்டர் வாங்கிக் கொடுத்தார். அவருக்கு மானசீகமான ரசிகன் நான். எம்.ஜி.ஆர். ஆனந்தவிகடன்ல நான் ஏன் பிறந்தேன் அப்படின்னு ஒரு தொடர் எழுதிகிட்டு இருந்தார். அந்தத் தொடர கொண்டு வந்து விகடன் ஆபீஸ்ல குடுக்கறது என்னோட மிகப்பெரிய வேலை. 

உங்க வீட்ல என்ன சொன்னாங்க இந்தப் படத்தோட ரிலீஸ்க்கு அப்பறம்..

எனக்கு ரொம்ப சந்தோஷமா இருக்கு என உதயபாலனின் மனைவி பாக்கியம் பேச ஆரம்பித்தார். அவர் வர்ற காட்சிகள்ல தியேட்டர் முழுக்க கைதட்டுறாங்க. ஏ.வி.எம்ல தான் பார்த்தோம். சின்னச் சின்னப் பசங்க என் வீட்டுக்காரர் வர சீனுக்கு கைதட்டும் போது அவ்ளோ சந்தோஷம்.எங்களுக்கு கல்யாணம் ஆகி 35 வருஷம் ஆச்சு. நானும் ஜூனியர் ஆர்டிஸ்ட் தான். பெரிசா நடிகையாகணும், பேரு வாங்கணும்னெல்லாம் இல்லைங்க. இந்த ஜூனியர் ஆர்டிஸ்ட் வாழ்க்கையே எங்களுக்கு ரொம்பத் திருப்தியா இருக்கு. எங்களுக்கு ரெண்டு பொண்ணுங்க. தாத்தா பாட்டியும் ஆகிட்டோம். ஒரு பொண்ணு தேனியிலயும் இன்னொரு பொண்ணு இங்கயே சென்னைலயும் கட்டிக்குடுத்துருக்கோம். இதுக்கு மேல என்ன வேணும். மருமகன்களும் எங்கள நல்லாப் பார்த்துக்கறாங்க என ஆசையாகவே தனது குடும்பம் பற்றி பேசினார் திருமதி பாக்கியம்.

வேற படங்கள் உங்க கேரக்டர் பத்தி, அடுத்து என்னென்ன படங்கள் நடிக்கிறீங்க? 

கத்தி படம் பார்த்தீங்களா அதுல விஜய் தம்பி கூட விளக்கோட குழாய்க்குள்ள உக்காந்துருப்பேன் பாருங்க. ஆயிரத்தில் ஒருவன் , ஆம்பள படத்தில் ஹன்சிகாவைக் கடத்தினவுடனே அக்கா பொண்ண கடத்திட்டாங்கடா வாங்கடா என சவுண்டு கொடுக்குற மூன்று தாத்தாக்களில் நானும் ஒருத்தன், சுந்தர் சி படம் எல்லாத்துலயும் எனக்கு கேரக்டர் இருக்கும். இப்பவும் கூட அரண்மனை 2 படத்துல நடிச்சிருக்கேன். கான், யாக்கை, விழித்திரு இப்படி இன்னும் 15 படங்களுக்கு மேல கையில இருக்கு கொஞ்சம் பிசியான ஆளு நான் என அந்தப் படத்தின் சாயலிலேயே கம்பீரமாக பேசுகிறார் ராகுல் தாத்தா என்கிற உதய பாலன்.

தாத்தாவுக்கு வணக்கம் கூற உங்க வாட்ஸப் நம்பர் இருக்கா, இருந்தா சொல்லுங்க என நமக்கு அடுத்த ஷாக் கொடுக்கிறார்...உண்மையிலேயே யூத் தான் நீங்க

- ஷாலினி நியூட்டன் - 

 

 

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close