Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

கமல் அங்கிள் தைரியம் கொடுத்தாரு, த்ரிஷா ஆண்ட்டி பாராட்டினாங்க - தூங்காவனம் அமன் அப்துல்லா சிறப்புப் பேட்டி

 தூங்காவனம் படத்தில் கமலுக்கு மகனாக நடித்தவர் அமன் அப்துல்லா.  " படிச்சுருக்கீங்க அப்பறம் ஏன் பொறுக்கி மாதிரி இருக்கீங்க" இப்படி ஜெகனை கேள்விகள் கேட்டு குடைந்தெடுக்கும் கேரக்டரில் அமன் அப்துல்லாவின் அப்பாவி முகம் எல்லாருக்கும் அப்படியே பதிந்து விடும். மழையால் ஹேய் ஜாலி லீவு என வீட்டில் விளையாடிக்கொண்டிருந்த அமனிடம் சில கேள்விகள்,

என்ன படிக்கிறீங்க.. உங்களப் பத்திச் சொல்லுங்களேன்.

நான் 8ஆம் வகுப்பு படிக்கிறேன். பிறந்தது கேரளா. எனக்கு 1 வயசு இருக்கும் போது சென்னை வந்துட்டோம்னு அம்மா சொல்லுவாங்க. அம்மா ஹோம் மேக்கர், அப்பா பிஸினஸ் மேன். எனக்கு 3 பிரதர்ஸ். பெரிய அண்ணா இன்ஜினியர், சின்ன அண்ணா +2, நான் எய்த், தம்பி செகண்ட் க்ளாஸ். எனக்கு ஃபுட் பால்னா உயிரு. டிஸ்ட்ரிக்ட் லெவல்ல சேம்பியன். என்னோட அண்ணாக்களும் அப்படிதான். ஸ்போர்ட்ஸ் வெறியர்கள்.


தூங்காவனம் சான்ஸ் எப்படி கிடைச்சது?

நான் ஸ்கூல்ல ட்ராமால அதிகமா நடிப்பேன். அப்பதான் ஃபேஸ்புக்ல ஆடிஷன் பத்தி பார்த்தேன். போனேன். ராஜேஷ் அங்கிள் தான் ஒரு சீன் நடின்னு சொன்னாரு. ஸ்கூல்ல நடிச்ச ஒரு நாடகத்தோட சீன நடிச்சேன். அப்படியே தமிழ்ல நடின்னு சொன்னாரு. கொஞ்சம் நெர்வஸ் ஆகிட்டேன். அப்பறம் நடிச்சேன் பார்த்தா நான் செலக்ட். அம்மாவுக்கும் எனக்கும் ஒண்ணுமே புரியல. அம்மா யார் கிட்டயும் சொல்லக்கூடாதுன்னு சொல்லிட்டாங்க. டிரெய்லர், டீஸர் பார்த்துதான் ஃப்ரண்ட்ஸ் கூப்டு டேய் சொல்லவே இல்லையேன்னு கேட்டாங்க. அப்பவும் கேரக்டர் பத்தி சொல்லக்கூடாதுன்னு சொல்லிட்டாங்க. அதனால சைலண்டா இருந்தேன்.

அமனுக்கு பிடிச்ச விஷயம் என்ன.

ஸ்போர்ட்ஸ், ட்ராமா, வீடியோ கேம்ஸ். உண்மைய சொன்னா படத்துல வர்ற சோயா மில்க் எனக்குப் பிடிக்கவே பிடிக்காது.. கஷட்ப்பட்டு குடிச்சேன். எனக்கு லீவுன்னா வீட்ல அண்ணா தம்பிங்களோட சேர்ந்து ஸ்போர்ட்ஸ் சேனல் பார்க்கறது பிடிக்கும்.

அமன் படிப்புல எப்படி. ஸ்கூல் டைமிங் எப்படி மேனேஜ் பண்ணீங்க.

நான் பர்ஸ்ட் கிரேடு தெரியுமா? ஷூட்டிங் அப்போ ஒரு 10 நாள் லீவு போட வேண்டியதாயிடுச்சு. ஆனாலும் லீவுலயே ஷூட்டிங் நடந்ததுனால பிரச்னை இல்ல.மொத்தமா 20 நாள் ஷூட் இருந்துச்சு.

ஃப்ரண்ட்ஸ், ரிலேடிவ்ஸ்லாம் என்ன சொல்றாங்க...அடுத்து என்ன பிளான்


முதல்ல அம்மா அப்பா, என்னோட ஆசைப்படி இன்ஜினியர் ஆகணும். அதுக்கு நல்லா படிக்கணும். அப்பறம் கேப்ல நடிக்கணும். இதுதான் பிளான். ஃப்ரண்ட்ஸ், ரிலேடிவ்ஸ் கிட்டல்லாம் செம பாராட்டு. எல்லாரும் பெருமையா இருக்குன்னு சொன்னாங்க. இப்போ நான் தான் ஸ்கூல் ஹீரோ தெரியுமா. கமல் அங்கிள் படமாச்சே.


கமல் அங்கிள் என்ன சொன்னாரு...
நிறைய பேசினாரு.  முதல்நாள்  கொஞ்சம் நெர்வஸ் ஆனேன். அவர் தான் கூப்டு உனக்கு என்ன தோணுதோ அத செய், இத இப்படி பண்ணா நல்லா இருக்கும்னு நினைச்சேன்னா அதயே பண்ணு. யாரும் உன்ன எதுவும் சொல்ல மாட்டாங்கன்னு சொல்லி ரொம்ப நேரம் பேசினாரு. என்னப் பத்தி அப்பா, அம்மா பத்திலாம் கேட்டாரு. கொஞ்சம் கொஞ்சமா எனக்கு பயம், நெரவஸ் எல்லாம் போயி நான் சகஜமா ஆயிட்டேன். உங்களுக்குத் தெரியுமா? எனக்கு மட்டும் எடிட்டிங், டப்பிங், இப்படி எல்லா டெக்னிக்கல் ரூம்லயும் அலோவ்ட். நிறைய சினிமா பத்தி கத்துக்கிட்டேன். ஃப்ரீயா இருந்தா இங்க வான்னு அங்க எடிட் பண்ற அண்ணாலாம் சொன்னாங்க. அடுத்து நான் எடிட்டிங், சினிமா டெக்னிக்கல்லாம் படிப்போட சேர்ந்து கத்துக்கணும்னு ஆசை வந்துடுச்சு. அப்பறம் எல்லாருமே ஷூட்டிங் ஸ்பாட்ல செம ஃப்ரண்ட்லியா பேசினாங்க. த்ரிஷா ஆண்ட்டி என்னப் பாராட்டினாங்க. இப்போ நினைச்சாலும் எனக்கு ட்ரீம் மாதிரி இருக்கு.

குவஸ்டீன் அவ்ளோதானா, நான் போலாமா... எனக்கு லீவு தெரியுமா?.. மழலை மாறாமல் பேசி முடித்தார் அமன்அப்துல்லாவுக்கு குழந்தைகள் தின வாழ்த்துகளைச் சொல்லி விடைபெற்றோம். .. 

- ஷாலினி நியூட்டன் - 

 

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close