Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

”விஜய் , அஜித் யாருக்கு முதலிடம்” - ஸ்ரீதிவ்யா ஜாலி பேட்டி!

ங்க டீம நான் ரொம்ப மிஸ் பண்றேன். ஒரே கலாட்டா தான் ஜாலி டீம் .... பெங்களூர் நாட்கள் டீஸர் லான்ச் , செம குஷியாக பேசினார் ஸ்ரீதிவ்யா...

”படம் எப்படி வந்துருக்கு”...

”உண்மையச்  சொன்னா மலையாளப் படத்த நான் ஒரே ஒரு தடவ தான் பார்த்தேன். அப்பதான் என்னோட ஸ்டைல்ல நடிக்க முடியும்ங்கறதுக்காக”. இந்தப் படம் உங்க எல்லாருக்கும் ரொம்பப் பிடிக்கும் ”

”நீங்க ரொம்ப அமைதியான ஆளாச்சே...இந்த படத்தோட கேரக்டர் கொஞ்சம் துறுதுறுன்னு இருக்கணுமே”

”ஆமா...அதுக்குத்தான் நான் ரொம்ப கஷ்டப்பட்டேன்.. ஆனாலும் நான் வீட்ல எப்படி இருந்தேனோ அப்படித்தான் செட்ல இருந்தேன்”

”ஆர்யா, ராணா, பாபி சிம்ஹா, பார்வதினு படம் முழுக்க யூத் டீம். ஷூட்டீங் ஸ்பாட் எப்படி இருந்துச்சு?”

”ஆர்யா, ராணா, பாபி சிம்ஹாலாம் சேர்ந்து என்ன அழ வெச்சிட்டாங்க... அவ்ளோ கலாட்டா... சத்தியமா இந்த டீம நான் ரொம்ப மிஸ் பண்றேன்!”

”உங்க ஹீரோக்கள் பத்தி சொல்லுங்களேன்!”

”ஆக்சுவலி நான் ராணாவ முதல்ல பார்த்தோன பயந்துட்டேன், பல்லாள தேவாவா வேற பாகுபலில பார்த்துட்டேனா, ஆனா டோட்டலி அவரு வேற... செம கேஷுவல். படத்துலயும் அப்படிதான் ரொம்ப ஸ்டைலான ராணாவ பாக்கப்போறீங்க.,. அப்பறம் ஆர்யா சொல்லவா வேணும் எப்போ பார்த்தாலும் கலாய்ச்சுட்டு, செட்ட ஜாலியாவே வெச்சுருந்தாரு. பாபி சிம்ஹாவும் அப்படிதான் இதுவரைக்கும் வில்லன், அடிதடின்னு பார்த்தோம் . இப்ப புது பாபி சிம்ஹாவ பார்க்கப் போறோம்”

”பென்சில் என்ன ஆச்சு...”

“நானும் உங்கள மாதிரியே வெயிட் பண்றேன். கூடிய சீக்கிரம் வரும். சின்ன பிரச்னை தான் முடிஞ்சுடும்”

”ஸ்கூல் ஸ்டூடண்டா ரெண்டு படத்துல நடிச்சிட்டீங்களே.... அதனால் ப்ளஸ் ,மைனஸ் என்னவா நினைக்கிறீங்க?”

“ப்ளஸ் நான் ஃபிட்டா இருக்கேனு ஒரு கான்ஃபிடண்ட் இருக்கு, மைனஸ் கொஞ்சம் பெரிய, சவாலான ரோல்ஸ் வர மாட்டேங்குது!”

”உங்க சினிமா ட்ரீம்?”

”மணிரத்னம் சார் படத்துல நடிக்கணும், அவர எனக்கு ரொம்ப பிடிக்கும்... அப்பறம் மௌன ராகம் ரேவதி மாதிரி ஒரு கேரக்டர் பண்ணனும்!”

”அடுத்த படங்கள் பத்தி சொல்லுங்களேன்?”

”பெங்களூர் நாட்கள் வரப் போகுது , அடுத்து கஷ்மோரா. இன்னும் ரெண்டு புராஜெக்ட் பேசிகிட்டு இருக்காங்க”

”கஷ்மோராவுல நயன்தாரா இருக்காங்களே... உங்களுக்கான ஸ்கோப் கம்மியா இருக்குமே?”

”அந்தப் படத்த நான் ஏன் ஒத்துக்கிட்டேனு படம் வந்தோன உங்களுக்கே தெரியும் பாருங்களேன். எப்பவுமே என்னோட கேரக்டர் கேட்டு எனக்கு ஓகேன்னா தான் நான் ஒத்துப்பேன். அப்படி தான் கஷ்மோரா படமும்!”

”ஒரு வம்பான கேள்வி.... அஜித், விஜய் படம் ஒரே நேரத்துல வருது ஒரு படத்துல தான் நடிக்கணும். என்ன செய்வீங்க!”

”ஹய்யோ!.. இப்படி கோர்த்து விட்டுட்டீங்களே.... சத்தியமா நைட்டு பகல்னு வேலை செஞ்சாவது ரெண்டையும் சேர்த்து முடிச்சுடுவேன். ரெண்டு பேர் படமும் ரொம்ப முக்கியமாச்சே. ஆனால் நான் அஜித் சாருக்கு செட்டாவேனான்னே தெரியல, அவருக்கு தங்கச்சியா நடிக்கக் கூட வேதாளம் படத்துல கேட்டாங்க. நான் நடிக்கல!”

 

அஜித் சாருக்கு எப்படிங்க தங்கச்சியா நடிக்க முடியும்.....  

- ஷாலினி நியூட்டன் - 

படங்கள் : மா.பி.சித்தார்த்

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close