Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

'வெயிட் பார்ட்டி பாபி சிம்ஹா..!' - நிக்கி கல்ராணியின் கலாய்

கோ-2 படத்தில் ரிப்போர்ட்டர், ’வேலைன்னு வந்துட்டா வெள்ளைக்காரன்’ படத்தில் போலீஸ், ’மொட்ட சிவா கெட்ட சிவா’ படத்தில் மீண்டும் ரிப்போர்ட்டர் என 'டார்லிங்' நிக்கி கல்ராணி இப்போ பயங்கர பிஸிபேலாபாத். அந்த பரபரப்புக்கு இடையில் பிடித்து ஒரு குட்டி பேட்டி தட்டினோம்...

’யாகாவாராயினும் நா காக்க’ படத்துக்கு அப்பறம் பெரிய கேப் ஆகிடுச்சே? என்ன காரணம் யார் செய்த தாமதம்?

“தொடர்ச்சியா படங்கள் நடிச்சுட்டு இருக்கேன். ஆனால் ரிலீஸ் தான் கொஞ்சம் லேட் ஆகுது. ப்ச்ச்... ஆனால், அடுத்தடுத்து மூணு படம் இருக்கே. லேட்டானாலும் லேட்டஸ்ட்டா வருவேன்னு நம்புறேன்”

கோ-2 படம் பற்றி...

“ கோ-2, பொலிடிக்கல் த்ரில்லர். நிறைய சமூக பிரச்னைகளயும் பேசப் போற படம். முக்கியமா ஒரு சில சமூக பிரச்னைகள ஹைலைட் பண்ணியிருக்க படம். சரியான டைம்ல ரிலீஸ் ஆகப் போகுது!”.

படத்தில் உங்கள் கேரக்டர்?

“படத்தில் ரிப்போர்ட்டரா நடிச்சுருக்கேன். எப்பவுமே பிஸியான, கொஞ்சம் ட்ரெண்டியான கேரக்டர். என்னோட கேரக்டர் என்னன்னு ரொம்ப க்ளியரா, படத்தில் என்னுடைய லுக், கெட்டப் முதற்கொண்டு டைரக்டர் சரத் டீடெய்லா விளக்கிட்டார். அதனால், அந்த கேரக்டரை நல்லாவே உள்வாங்கி நடிச்சுருக்கேன்!”

கோ  & கோ 2 ஏதாவது ஒற்றுமை இருக்கா?

“ ஒரே ஒரு ஒற்றுமை தான் ரெண்டுமே அரசியல் படம். மத்தபடி கதை, களம் எல்லாமே வேற”.

பாபி சிம்ஹா பற்றி...

” பாபி இப்போ புதுமாப்ள. பாபி சிம்ஹா படத்துல நடிக்கிற கேரக்டர்களுக்கும், அவரோட ரியல் வாழ்க்கைக்கும் சம்பந்தமே இல்லை. சொல்லப்போனா எங்களுக்கெல்லாம் கொஞ்சம் வெயிட் போட்டுடுச்சு... சும்மா ஏதாவது சாப்பிட வெச்சுகிட்டே இருப்பாரு. பாபி ரொம்ப ஃப்ரெண்ட்லி!”

கோ 1 கார்த்திகா, பியோவோட உங்களைக் கம்பேர் பண்ணாங்களா?

“ இல்லை, நான் நானாகவே தான் நடிச்சேன். எந்த மாற்றமோ, கம்பேரிஸனோ கிடையாது!”.

உங்க ட்ரீம் ரோல் என்ன?

“எந்த ட்ரீமும் இல்லை, ஆனால் நான் தமிழ்ல நடிச்ச கேரக்டர்கள விட மலையாளத்துல நிறைய எமோஷனல் ரோல்கள் பண்ணியிருக்கேன். ஒவ்வொரு கதைக்கும் நான் ரொம்ப வெயிட் பண்ணி தான் செலக்ட் பண்ணுவேன். அந்த மாதிரி தமிழ்லயும் நல்ல ரோல்கள் பண்ணணும்!”

தமிழ் சினிமாவுல உங்க டார்கெட் என்ன?

“ எந்த டார்கெட்டும் இல்லை. இந்த நம்பர் கேம்ல எனக்கு உடன்பாடே கிடையாது. நிறைய படம் பண்ணனும். நிறைய சம்பளம் வாங்கணும்ன்ற ஆசையும் இல்லை. ஒரு பத்து வருஷம் கழிச்சு நான் திரும்பிப் பார்த்தா நல்ல படங்கள் இருக்கணும் அது போதும்!”.

நீங்க உண்மையாவே ஒரு ரிப்போர்ட்டர் ஆகிட்டீங்கனு வெச்சுக்கோங்க.... இந்தியாவுல எந்த விஷயத்த கவர்ஸ்டோரியா பண்ணுவீங்க?

” கண்டிப்பா பெண்களுக்கு நடக்குற கொடுமைகளைப் பற்றி தான் கவர்ஸ்டோரி பண்ணுவேன். பெண்களுக்கு நடக்கும் கொடுமைகளைத் தட்டிக் கேட்கணும்!”.

ஒரு வீட்ல ஒரு ஹீரோயின் இருந்தாலே ரிஸ்க்... உங்க அக்கா சஞ்சனாவும் ஹீரோயின்.. வீட்ல எப்படி?

“ வீட்டுக்குள்ள நாங்க ரெண்டு பேருமே சாதாரண அக்கா தங்கை தான். ஹீரோயின், பெரிய நடிகை, இதெல்லாம் எதுவுமே கிடையாது. வீட்ல செமையா சண்டை போடுவோம், அக்கா கூட செம அட்டாச் நான். எனக்கு நிறைய அட்வைஸ் குடுப்பாங்க!”.

உங்க ஃபேவரிட் ஹீரோ, ஹீரோயின் யாரு?

“ ஹீரோயின் குஷ்பூ மேம்.. ஹீரோ இதப் பத்தி கேட்கவே வேண்டாம்... இருக்கறது ஒரே ஒரு சூப்பர் ஸ்டார் ரஜினிகாந்த் சார் தான். என்னோட ஃபேவரிட் ஸ்டார் அவர் தான், அவர் மட்டும் தான். கபாலி டீஸர் பார்த்து ஐயம் கூஸ்பம்ப்ட்!” ( மெய்சிலிர்த்தேன்)... #நெருப்புடா...

- ஷாலினி நியூட்டன் - படங்கள் : ஆ.முத்துகுமார்

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close