Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

1000 படங்களை கடந்த இசைஞானி - மும்பையில் பாராட்டு விழா!

பாலா இயக்கத்தில் “ தாரை தப்பட்டை” படத்தின் மூலம் 1000வது படத்தினை இசையமைத்து நிறைவு செய்துள்ள இளைய ராஜாவுக்கு வருகிற 20-ம் தேதி பாராட்டு விழா நடக்கவிருக்கிறது. அமிதாப்பச்சன், பின்னணி பாடகி லதா மங்கேஷ்கர், ஜானகி, பி.சுசிலா உள்ளிட்ட பல கலைஞர்களும் பங்கேற்கவிருக்கின்றனர்.

தேனி மாவட்டம் பண்ணைப்புரத்தில் ராசய்யா என்ற பெயரில் பிறந்து 1976ம் ஆண்டு “அன்னக்கிளி” படத்தின் மூலம் இசையமைப்பாளராக இளையராஜா அறிமுகமானார். இதுவரை 5000க்கும் மேற்பட்ட பாடலுக்கு இசையமைத்துள்ளார். தன்னுடைய 1000வது படத்தினை முடித்திருப்பதால் மும்பை திரையுலம் சார்பில் இயக்குநரும், தயாரிப்பாளருமான பால்கி பாராட்டுவிழாவிற்கு ஏற்பாடுகளை செய்து வருகிறார்.

“ பால்கி இயக்கத்தில், தனுஷ், அமிதாப் பச்சன் நடித்து வெளிவரவிருக்கும் “ஷமிதாப்” படத்தின் ஆடியோ வெளியீட்டு விழா வருகிற 20ம் தேதி மும்பையில் நடைபெறவிருக்கிறது. “இந்த விழாவில் 1000 படத்திற்கு மேல் இசையமைத்து வாழ்நாள் சாதனை படைத்த இசைமேதை இளையராஜாவிற்கு பாராட்டுவிழா நடத்தவுள்ளோம். இவ்விழாவிற்கு இளையராஜாவுடன் பணியாற்றிய கலைஞர்கள் அனைவருக்கும் அழைப்பு விடுக்கப்பட்டுள்ளது. மேலும் இளையராஜாவும் விழாவில் பாடவிருக்கிறார்” என்று கூறியுள்ளார் பால்கி.

தேசிய கீதத்துக்கு இளையராஜா இசையமைக்கவிருக்கிறார். பி.சி.ஸ்ரீராம் ஒளிப்பதிவு செய்ய, அமிதாப்பச்சன் குரலில், பால்கியின் இயக்கத்தில் இந்த ஆல்பம் உருவாகவிருக்கிறது. ஜனவரி 26ம் தேதி குடியரசு தினத்தன்று வெளியிட இருப்பதாகவும் பால்கி தெரிவித்துள்ளது குறிப்பிடத் தக்கது.

MUST READ

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

[X] Close